မအူပင်ခရိုင်၊ မအူပင်မြို့နယ်တွင် တိုးမြစ်ရှိ၍ မြစ်ငါးများ သုံးရာသီလုံးဖမ်းယူရရှိနေပြီး မြစ်ငါး၊ ပုဇွန် ရောင်းချသူ အခွန်လွန် ဈေးတွင် ၅ဦးခန့် ရှိကြောင်း ဈေးကွက်အတွင်း သိရသည်။
မြစ်ငါး၊ မြစ်ပုစွန်များကို ပိုက်များဖြင့်လည်းကောင်း၊ မြုန်းများဖြင့်လည်း ကောင်းဖမ်းစီးပြီး မအူပင်အခွန်လွတ်ဈေးတွင် ရောင်းချကြသည်။ အခြားသော ဈေးများတွင်လည်း ကျေးရွာများမှ မြစ်ချောင်းများမှ ဖမ်းစီးရရှိသော ငါးများကို ရောင်းချနေကြောင်း သိရသည်။ အခွန်လွတ်ဈေးတွင် ရောင်းချနေသော ကပ်သပိုး ငါး ၁ပိဿာ ၂၅၀၀၀ကျပ်၊ ငါးမွေထိုး(အကျား) ၁ပိဿာ ၃၀၀၀၀ကျပ်၊ ပုစွန်ထုတ်အကြီး ၁ပိဿာ ၆၀၀၀၀ကျပ်၊ အလတ် ၅၅၀၀၀ကျပ်၊ ပုစွန်အသေး ၁ပိဿာ ၄၀၀၀၀ကျပ်ဖြင့်လည်းကောင်း၊ အရောင်းအဝယ်ဖြစ်လျက်ရှိသည်။ ငါး၊ ပုစွန် တစ်နေ့ရောင်းချပါက ၅ပိဿာ၊ ၇ပိဿာ ခန့်ရောင်းချရပါကြောင်း ငါးရောင်းချသူထံမှ သိရသည်။ ငါးများကို မအူပင်ဈေးအတွင်းသာ ရောင်းချခြင်းဖြစ်ပြီး မြစ်ချောင်းမှ ထွက်ရှိနေ၍ မိသားစု အပိုဝင်ငွေရသော လုပ်ငန်းတစ်ခုဖြစ်ကြောင်း သိရသည်။
DOCA(ဧရာဝတီ)