စားသုံးသူပြည်သူများအား ထုတ်ကုန်လုံခြုံစိတ်ချရမှုရှိစေရေး ဘေးအန္တရာယ်ရှိသော ကုန်စည်များ ဈေးကွက်အတွင်းမှ ပပျောက်စေရေးနှင့် စားသုံးသူကာကွယ်ရေးဥပဒေပြဌာန်းချက်ပါ ကုန်စည်များတွင် မြန်မာဘာသာဖြင့် ကုန်အညွှန်းအမှတ်အသား ဖေါ်ပြထားမှုအခြေအနေ တို့နှင့် စပ်လျဉ်း၍ သက်ဆိုင်ရာ မိတ်ဖက်ဌာနများနှင့် ပူးပေါင်း၍ ဈေးကွက်စောင့်ကြည့်စစ်ဆေးခြင်း လုပ်ငန်းများဆောင်ရွက်လျက်ရှိရာ ၂၀၂၅ ခုနှစ်၊ ဩဂုတ်လ (၁၆) ရက်နေ့မှ (၃၁) ရက်နေ့ အတွင်းတွင် ပြည်ခရိုင်၊ ပြည်မြို့နယ်တွင် အမှတ်(၁၆/၅) ပြည်တော်သာရပ်ကွက်ရှိ“စုံစီ” ပြည်ကော်ရည်၊ ပြည်ပလာတာလုပ်ငန်းသို့လည်းကောင်း၊ အမှတ်(၁၆၄)လမ်းမတော်လမ်း၊ ဘဏ်အနီးရှိ“ခင်ခင်လင်း” ချဉ်ပေါင်ဖူးယိုလုပ်ငန်းသို့လည်းကောင်း၊ အမှတ်(၁၇၃)၊ ပန်းထိမ်တန်း လမ်းရှိ “လုပ်သား”ဟင်းချိုမှုန့်လုပ်ငန်း သို့လည်းကောင်း၊ ဈေးရုံရှေ့၊ ပန်းထိမ်တန်းလမ်းရှိ “ရွက်စိမ်း” လက်ဖက်ခြောက်လုပ်ငန်းသို့လည်းကောင်း၊ အမှတ်(၈) မက္ခရာ မင်းသားကြီးလမ်း၊ စက်မှုဇုန်ရှိ “နေဝန်း”ဟင်းချိုမှုန့် လုပ်ငန်းသို့လည်းကောင်း၊ အမှတ်(၃) ရွှေဘုန်းပွင့်ဘုရားလမ်းရှိ “နေလ”ဟင်းချိုမှုန့်လုပ်ငန်းသို့လည်းကောင်း၊ ကျောင်း/အိုးရပ်ကွက်၊ ကုန်သည် လမ်းရှိ “ကြယ်စင်သစ်” ခေါင်းလျှော်ရည်လုပ်ငန်း သို့လည်းကောင်း၊ ဆေးရုံလမ်းတိုလမ်း၊ ရွှေကူရပ်ကွက်ရှိ “ခြင်္သေ့မင်း” ဆေးသနပ်ခါးခုလုပ်ငန်းသို့လည်းကောင်း၊ ရွှေတောင်မြို့နယ်တွင် ယွန်းတန်းရပ်ကွက်၊ ကျောင်းအိုးလမ်းရှိ “La Pyae” သောက်ရေသန့်လုပ်ငန်း သို့လည်းကောင်း သက်ဆိုင်ရာ မြို့နယ်တာဝန်ခံ နှင့်ဝန်ထမ်း များသည်သွားရောက်၍ ဈေးကွက်မရောက်မီ ကုန်စည်များတွင် ကုန်အညွှန်း အမှတ်အသားပါ သတ်မှတ်ချက်များနှင့် ကိုက်ညီမှုရှိသော ကုန်စည်များကို တင်သွင်းရောင်းချခြင်း ရှိ/မရှိ၊ သက်ဆိုင်ရာ ဌာန၏ ထောက်ခံမှု ရှိ/မရှိ ဈေးကွက် စောင့်ကြည့်စစ်ဆေး ခဲ့ပါကြောင်းနှင့် စောင့်ကြည့် စစ်ဆေးခဲ့သည့် ကုန်စည်များတွင် ကုန်အညွှန်း အမှတ်အသား ဖေါ်ပြချက်များနှင့် ကိုက်ညီမှုရှိပါကြောင်း သတင်းရရှိ ပါသည်။
DOCA(ပဲခူး)