( ၁၆.၁၀.၂၀၂၆ ) ရက်နေ့တွင် စစ်ကိုင်းတိုင်းဒေသကြီးအတွင်းရှိ အသေးစားစက်မှုလုပ်ငန်း ဦးစီးဌာနမှ ဦးဆောင်၍ စားသုံးသူရေးရာဦးစီးဌာနတို့ ပူးပေါင်း၍ " KC " ချင်းတောင်းတန်း ကော်ဖီမုန့်လုပ်ငန်းသို့ သွားရောက်၍ ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ကြောင်း သိရပါသည်။
ကွင်းဆင်းစစ်ဆေးရာတွင် ဒေသတွင်းထုတ်ကုန်ဖြစ်သည့် ကော်ဖီမှုန့်ထုတ်လုပ်ရောင်းချရာတွင် အသုံးပြုသည့် ကုန်ကြမ်းများ၏ ထုတ်ကုန်များကို သန့်ရှင်းစွာပြုလုပ်၍ စနစ်တကျ ထုတ်လုပ်၊ ထုတ်ပိုး၊ သိုလှောင်ထားရှိမှု ရှိ/မရှိ၊ ထုတ်လုပ်ပုံအဆင့်ဆင့်နှင့် ကုန်ကြမ်းပစ္စည်း သိုလှောင် ထားရှိသည့် နေရာများသို့ လေ့လာစစ်ဆေးခဲ့ကြပြီး၊ ကော်ဖီထုတ်များပေါ်တွင် ကပ်နှိပ်ထားသည့် ကုန်အညွှန်းအမှတ်အသားများ မှန်ကန်ပြည့်စုံစွာ ဖော်ပြထားသည်ကို စစ်ဆေးတွေ့ရှိရပြီး၊ ထုတ်လုပ်သည့်နေ့စွဲ၊ သက်တမ်းကုန်ဆုံးရက်စွဲများကို စတစ်ကာဖြင့် ကပ်နှိပ်၍ ရောင်းချခြင်းကို ပြုထားခြင်းမရှိသဖြင့် ကုန်စည်ပေါ်တွင် တိုက်ရိုက်ရိုက်နှိပ်ခြင်း ( သို့မဟုတ် ) ပုံသွင်းခြင်းဖြင့်သာ ဖော်ပြရမည်ဖြစ်ကြောင်း၊ ၂၀၂၆ခုနှစ်၊ နိုဝင်ဘာလ ၃၀ရက်နေ့အထိ အသိပညာပေးကာလအဖြစ် သတ်မှတ်ထားပြီး ညွှန်ကြားချက်များနှင့် အညီ လိုက်နာဆောင်ရွက်ရန် အားနည်းသော ( သို့မဟုတ် ) လိုက်နာရန် ပျက်ကွက်သော လုပ်ငန်းရှင်များကို စားသုံးသူကာကွယ်ရေးဥပဒေနှင့် ထိရောက်စွာ အရေးယူဆောင်ရွက်သွားမည်ဖြစ်ကြောင်း အသိပညာပေး ရှင်းလင်းဆွေးနွေးခဲ့ကြကြောင်း သိရှိရပါသည်။
DOCA(စစ်ကိုင်း)