မြင်းခြံမြို့နယ်အတွင်းရှိ တလုပ်ရွာ၊ တောပုရွာ၊ ဂေါင်းကွဲရွာနှင့် ပတ္တာရွာများတွင် ဗမာကြက်သွန်ဖြူများကို ဆောင်းရာသီတစ်ရာသီသာ စိုက်ပျိုးလေ့ရှိကြောင်း၊ နွေရာသီနှင့် မိုးရာသီများ၌ ကြက်သွန်ဖြူစိုက်ပျိုး ဖြစ်ထွန်းမှုမရှိကြောင်း၊ ယခုအချိန်တွင် ဒေသထွက်ကြက်သွန်ဖြူများ ထွက် ပေါ် ကုန်ဆုံးပြီဖြစ်သောကြောင့် မြို့နယ်အတွင်းသို့ လိုအပ်သောကြက်သွန်ဖြူများကို ရှမ်းပြည်နယ် တောင်ပိုင်း အောင်ပန်းမြို့နှင့် မန္တလေးမြို့တို့မှ တင်သွင်းရောင်းချကြောင်း သိရှိရသည်။ ၂၀၂၅ခုနှစ်၊ စက်တင်ဘာလဒုတိယပတ်တွင် ရှမ်းကြက်သွန်ဖြူ ထူး ၁ တစ်ပိဿာလျှင်(၅၀၀၀) ကျပ်၊ ထူး ၂ တစ်ပိဿာလျှင် (၆၀၀၀) ကျပ်၊ ထူး ၃ တစ်ပိဿာလျှင် (၇၀၀၀) ကျပ်၊ ထူး(၄) တစ်ပိဿာ (၈၀၀၀) ကျပ်၊ ထူး ၅ တစ်ပိဿာ(၉၀၀၀)ကျပ်၊ ထူးရှယ်စ တစ်ပိဿာ (၁၀၀၀၀-၁၂၀၀၀) ကျပ်နှင့် ဥတစ်လုံးကြက်သွန်ဖြူတစ်ပိဿာလျှင် (၂၀၀၀၀-၂၅၀၀၀) ကျပ်ပေါက်ဈေး များဖြင့် ရောင်းချကြောင်း၊ ကြက်သွန်ဖြူသည် စားသောက်ကုန်အမျိုးမျိုးတွင် ထည့်သွင်း စားသုံးကြသလို၊ ဟင်းလျာ များ၌နေ့စဉ်စားသုံးကြကြောင်း၊ ဥတစ်လုံးကြက်သွန်ဖြူများကို ဆေး ဖော်စပ်ရာတွင် အသုံးပြုကြောင်း၊ အရောင်းအဝယ်ဖြစ်မှုအနေဖြင့် နေ့စဉ်ကုန်ချိန် (၁၀၀-၁၅၀) ပိဿာခန့်ဒေသအတွင်း ရောင်းချရကြောင်း၊ စာသုံးမှုများ၍ အရောင်းအဝယ်ကောင်းကြောင်း၊ ပွဲရုံလုပ်ငန်းလုပ်ကိုင်သူတစ်ဦး ၏ပြောပြချက်အရ သိရှိရသည်။
DOCA(မန္တလေး)