ပြည်ထောင်စုနယ်မြေ၊ နေပြည်တော်အတွင်း နွေစပါးရိတ်သိမ်းမှုပြီးစီးခဲ့ပြီး၊ မိုးစပါးစိုက်ပျိုးမှု များမှအောက်တိုဘာလ၏ ဒုတိယပတ်ခန့်တွင် ရိတ်သိမ်းမှုစတင် တွေ့ရှိလာရမည်ဖြစ်ပါသည်။ ဇေယျာ သီရိနှင့်ပုဗ္ဗသီရိမြို့နယ်တို့တွင် ရိတ်သိမ်းနိုင်မှုအများဆုံးတွေ့ရှိလာရပါမည်။ ဒေသတွင်းမိုးစပါးရိတ် သိမ်းမှုများတွင် မနောသုခ(စက်ကျ)ဆန်(1)အိတ်စျေးနှုန်း(65000)ကျပ်ရှိနေပြီး၊ ဆန်ဝယ်ယူမှုအနေအ ထားနည်းပါးမှုရှိနေသည်ဟုသိရှိရပါသည်။ ဇေယျာသီရိမြို့နယ်အတွင် ရေကြီးနစ်မြှုပ်မှုရှိခဲ့သည့် စိုက် ခင်းအချို့ ပြန်လည်စိုက်ပျိုးနေမှုများကို တွေ့ရှိနေရပါသည်။ ဒေသတွင်း ကြိတ်ခွဲမှုများ ဒေသအတွင်း ဖြန့်ဖြူးမှုအနေအထားကို တွေ့ရှိနေရပြီး၊ ဒေသတွင်း ဈေးကွက်များသို့ ရန်ကုန်နှင့် ပဲခူးတိုင်းဒေသကြီး တို့မှ ဧည့်မထဆန်မျိုးစုံ ဝင်ရောက်မှုတွင်လည်း လျော့ကျမှုမရှိခဲ့ပါ။ စပါးဈေးနှုန်းတည်ငြိမ်မှုအနေ အထားတွင် ရှိနေသော်လည်း အခြားတိုင်းများမှ ဆန်ဝင်ရောက်မှု အားကောင်းခဲ့သဖြင့် ဒေသတွင်း ကြိတ်ခွဲထုတ်လုပ်သည့် ဆန်များ ဈေးနှုန်းအနည်းငယ် လျော့ကျမှုရှိလာသည်ကို တွေ့ရပါသည်။
ဒေသတွင် ဆီထွက်သီးနှံများရိတ်သိမ်းမှုတွင် နှမ်းရိတ်သိမ်းမှုများပြီးစီးခဲ့ပြီး၊ မြေပဲနှင့် နေကြာ ရိတ်သိမ်းရန် ကျန်ရှိနေမှုူများကို တွေ့ရပါသည်။ နှမ်းဈေးနှုန်းများတွင် နှမ်း(နီ) တစ်တင်း(၉၈၀၀၀)ကျပ်၊ နှမ်း(နက်)တစ်တင်း (၂၃၀၀၀၀)ကျပ်ရှိနေပါသည်။မြေပဲဈေးနှုန်းများတွင် မြေပဲတောင့်(အခြောက်) တစ် ပိဿာ (4000)ကျပ်ဝန်းကျင်၊ မြေပဲဆံ(ဆီဆံ)တစ်ပိဿာ(6500)ကျပ် ရှိနေပြီး နေကြာစေ့တစ်ပိသာ (5500)ကျပ် ဖြစ်ပေါ်နေပါသည်။ မြေပဲဆီကြိတ်ခွဲထုတ်လုပ်မှု အများဆုံး တွေ့ရှိနေရပြီး၊ မြေပဲဆီဈေး နှုန်း တစ်ပိဿာ(16000)ကျပ်ဖြင့် ဆီစက်များတွင်ရောင်းချနေမှု အများဆုံး တွေ့ရှိနေရပါသည်။ မြေပဲ ဖတ်ဈေးနှုန်းတွင်(5200)ကျပ်ထိ ရှိလာပြီး၊ ဈေးနှုန်းမြင့်တက်မှုရှိသည်ကို တွေ့ရပါသည်။
DOCA(ပြည်ထောင်စုနယ်မြေ)