မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ဇေယျာသီရိဈေး၌ ပန်းဂေါ်ဖီကို မင်းဘူး၊ မကွေး၊ သရက်၊ တောင်တွင်းကြီးမြို့နှင့် ရှမ်းပြည်နယ် အောင်ပန်းမြို့တို့မှ မှာယူရောင်းချကြောင်း သိရသည်။
၂၀၂၅ခုနှစ်၊ စက်တင်ဘာလ(ဒုတိယပတ်)တွင် ပန်းဂေါ်ဖီ(၁)ပွင့်လျှင် (အပွင့်အကြီးအသေးပေါ် မူတည်၍) ကျပ်(၅၅၀၀-၆၀၀၀)ဖြင့်ရောင်းချလျက်ရှိပြီး ယခင်ဩဂုတ်လ(ဒုတိယပတ်)တွင် ကျပ် (၄၅၀၀- ၅၀၀၀)ဖြင့်ရောင်းချခဲ့ရာ ဈေးနှုန်းနှိုင်းယှဉ်ပါက ယခုတစ်ပတ်တွင် ကျပ်(၁၀၀၀)ဈေး နှုန်းမြင့် တက်ခဲ့ကြောင်း သိရသည်။ အထက်မင်းလှမြို့နယ်အတွင်း ပန်းဂေါ်ဖီစိုက်ပျိုးမှုမရှိဘဲ အခြားဒေသများမှ မှာယူရောင်းချရပြီး ယခုအချိန်တွင် ဒေသတွင်းစိုက်ပျိုးထွက်ရှိခြင်းမရှိသည့်အပြင် ရှမ်းပြည်မှ မှာယူ ရောင်းချရသည့်အတွက် သယ်ယူစရိတ်မှာလည်း အနည်းငယ်မြင့်မားလာ၍ ပန်းဂေါ်ဖီဈေးနှုန်းမှာ မြင့်တက်ရခြင်းဖြစ်ကြောင်း သိရှိရသည်။
DOCA(မကွေး)