ပဲခူးတိုင်းဒေသကြီး ၊ နတ်တလင်းခရိုင်၊ နတ်တလင်းမြို့ အာရုံဈေး၊ မြို့မဈေးနှင့် ညနေဈေး တို့၌ ဒေသထွက် အသီးအနှံမျိုးစုံကို ရောင်းချလျက်ရှိပြီး ဒေသထွက်ကီလို မာလကာသီးနှင့် မျိုးဆန်း မာလကာသီး များအရောင်းသွက်နေကြောင်းသိရပါသည်။
နတ်တလင်းမြို့နယ် ကုန်းကြီးကျေးရွာ၊ ရှားဖြူကုန်းကျေးရွာများမှ ဈေးကွက်အတွင်းသို့ ဒေသထွက်ကီလို မာလကာသီးနှင့် မျိုးဆန်း မာလကာသီးများ ၂၀၂၅ခုနှစ်၊ ဩဂုတ်လ စတုတ္တပတ်တွင် လှိုင်လှိုင်ဝင်ရောက်လာပြီး စက်တင်ဘာ တတိယပတ်တွင် ကီလိုမာလကာသီး(၁)လုံးလျှင် အရွယ်အစားကိုလိုက်၍ (၇၀၀-ကျပ်မှ ၃၅၀-ကျပ်)နှုန်း ၊ မျိုးဆန်းမာလကာသီး (၁)လုံးလျှင် (၇၀၀-ကျပ်မှ ၄၀၀-ကျပ်)နှုန်းဖြင့် ရောင်းချနေကြောင်း သိရပါသည်။ မာလကာသီးကို လက်ဆောင်ပေးသူများ ကျောင်းမုန့်ဈေးများ ၊ အသီးစုံသုပ် ရောင်းချသူများမှလည်း မာလကာသီးကို ဝယ်ယူမှုများရှိ၍ ဒေသတွင်းသာမက ကြိုပင်ကောက်မြို့၊ သုံးဆယ်မြို့နယ်များသို့လည်း တင်ပို့ရောင်းချရသဖြင့် အရောင်းသွက်လျက်ရှိကြောင်း သိရပြီး ဈေးကွက်အတွင်း အရောင်းသွက်လျက်ရှိသော ကီလိုမာလကာသီးကို ခြံစိုက်တောင်သူများအနေဖြင့်လည်း တိုးချဲ့စိုက်ပျိုးလျက်ရှိကြောင်း သိရပါသည်။
DOCA(ပဲခူး)