(၁၇.၉.၂၀၂၅)ရက်နေ့ နံနက်(၁၁:၃၀)နာရီချိန်တွင် စားသုံးသူရေးရာဦးစီးဌာန၊ မြောက်ပိုင်း ခရိုင်ဦးစီးမှူးရုံးမှ ခရိုင်ဦးစီးမှူး ဦးလှစိုးပါ(၄)ဦးတို့သည် ရုံ(၇)၊ အမှတ်(၅)ပင်လုံဈေး၊ လှိုင်သာယာ (အနောက်ပိုင်း)မြို့နယ်ရှိ ဒေါ်ကျင်စိန်စားအုန်းဆီလက်လီအရောင်းဆိုင်သို့ ကွင်းဆင်းစစ်ဆေး ခြင်း လုပ်ငန်းများ ဆောင်ရွက်ခဲ့ပါသည်။
ထိုသို့ဆောင်ရွက်ခဲ့ရာတွင် လက်လီအရောင်းကိုယ်စားလှယ်ဖြစ်သော ဒေါ်ကျင်စိန်ဆိုင်သို့ ကွင်းဆင်းစစ်ဆေးခဲ့ရာ မိမိရရှိသောခွဲတမ်းကို စားသုံးသူပြည်သူများလက်ဝယ်သို့ အမှန်တကယ် ရောက်ရှိအောင် စာအုပ်စနစ်ဖြင့် ပေးပါကြောင်း၊ နေ့စဉ်ရပ်ကွက်အလိုက် ခွဲထားပါကြောင်း၊ ပုံမှန်အား ဖြင့် နေ့စဉ် နံနက်(၉)နာရီမှ ညနေ(၅)နာရီအထိ ရောင်းပေးပါကြောင်း၊ ရောင်းချမှုလက်ခံဘောင်ချာ များလည်းထားရှိပါကြောင်း စစ်ဆေးတွေ့ရှိရပြီး မိမိတို့ဌာနမှလည်း အခြားမသမာသောနည်းလမ်း များသုံး၍ ရောင်းချခြင်း၊ ဈေးကစားရန်ရည်ရွယ်ချက်ဖြင့် သိုလှောင်ထားခြင်းများရှိပါက အရေးယူ ဆောင်ရွက်သွားမည်ဖြစ်ကြောင်း သိရှိရပါသည်။
DOCA (ရန်ကုန်)