ဧရာဝတီတိုင်းဒေသကြီး၊ဖျာပုံခရိုင်၊ဖျာပုံမြို့နယ်တွင်ခရိုင်/မြို့နယ်စီမံအုပ်ချုပ်ရေးအဖွဲ့၏ လမ်းညွှန် မှုဖြင့် မြို့နယ်စည်ပင်သာယာရေးအဖွဲ့မှ ဦးဆောင်၍ မြို့နယ်အတွင်းရှိ စာသင်ကျောင်းများ၊ စျေးများနှင့် ဌာနဆိုင်ရာ ရုံးများတွင် ကျောင်းသား၊ကျောင်းသူများ၊ပြည်သူပူးပေါင်းပါဝင်သော အမှိုက်သိမ်းစနစ်ဖြစ်ပေါ်လာစေရေးနှင့် အမှိုက်စို၊အမှိုက်ခြောက် ခွဲခြားစွန့်ပစ်နိုင်စေရန်ရည်ရွယ်၍ အမှိုက်စနစ်တကျ ခွဲခြားစွန့်ပစ်တတ်စေရန် လိုက်လံအသိပညာပေး ဟောပြောပွဲကို စက်တင်ဘာလ(၁၃)ရက်နေ့၊ နေ့လယ်အချိန်က ဖျာပုံမြို့နယ်အတွင်း လိုက်လံအသိပညာပေး ဆောင်ရွက်ကြသည်။
အဆိုပါ အမှိုက် (၄)မျိုး ခွဲခြားစွန့်ပစ်တတ်စေရေးအသိပညာပေး ဟောပြောပွဲရာတွင် ဖျာပုံ မြို့နယ် စည်ပင်သာယာရေးအဖွဲ့ လက်ထောက်ညွှန်ကြားရေးမှူး ဦးစိုးဦး၊ဦးစီးအရာရှိဒေါ် သက်သက်ကြူနှင့်ဝန်ထမ်းများက ဌာနဆိုင်ရာရုံးများ၊အခြေခံပညာကျောင်းများ၊ စျေးများတွင် ကျောင်းသား၊ ကျောင်းသူများ၊ ပြည်သူ ပူးပေါင်းပါဝင်သော အမှိုက်သိမ်းစနစ် ဖြစ်ပေါ်လာစေရေးနှင့် အမှိုက်စို၊အမှိုက်ခြောက် ခွဲခြားစွန့်ပစ်နိုင်စေရန် အမှိုက်ခြောက်၊ အမှိုက်စို ၊ ဘေးအန္တရာယ်ရှိအမှိုက် ၊ ပလတ်စတစ်အမှိုက်များ ခွဲခြားစွန့်ပစ်စေရေး အသိပညာပေး ဆောင်ရွက်ခြင်း၊ လက်ကမ်း စာစောင်ဖြန့်ဝေခြင်းနှင့် လက်တွေ့သရုပ်ပြခြင်းများလိုက်လံဆောင်ရွက်ကြကြောင်း သိရှိရသည်။
( Doca ဧရာဝတီ )