(၁၀.၁၀.၂၀၂၅)ရက်နေ့ နံနက်(၀၉:30)နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ စစ်ဆေးရေးအရာရှိများသည် ဦးပိုင်အမှတ် (၄/၄၅/1A/46 /1A) နွယ်ခွေကျေးရွာ၊ မင်္ဂလာဒုံမြို့နယ်ရှိ Max စက်သုံးဆီဆိုင်သို့ ဈေးကွက်စောင့်ကြည့် စစ်ဆေးခဲ့ကြောင်း သိရသည်။
ထိုသို့ကွင်းဆင်းစစ်ဆေးရာတွင် စစ်ဆေးရေးအရာရှိက Max စက်သုံးဆီဆိုင် တာဝန်ခံ ဦးစံဝင်းအား စက်သုံးဆီရောင်းချမှုအခြေအနေများ၊ စက်သုံးဆီဈေးနှုန်း၊ အချင်အတွယ် မှန်ကန်မှုရှိ/ မရှိ ဆီကားရောက်ရှိမှုအခြေအနေများနှင့် ဆီလက်ကျန်အခြေအနေများ၊ ဈေးနှုန်းမြှင့်တင်ရောင်းချခြင်းရှိ/ မရှိ မေးမြန်းခြင်းဆောင်ရွက်ခဲ့ပြီး စက်သုံးဆီအရောင်းဆိုင်များအနေဖြင့် စားသုံးသူများ လွယ်ကူစွာဝယ်ယူသုံးစွဲနိုင်စေရန်အတွက် စက်သုံးဆီအရောင်းဆိုင်များကို ပုံမှန်ဖွင့်လှစ်ရောင်းချပေးရန် ပြောကြားခဲ့ကြောင်း သိရှိရပါသည်။
DOCA (ရန်ကုန်)