မြန်မာလူမျိုးများအနေဖြင့် တို့ဟူးအား ကြော်၍လည်းကောင်း၊ သုတ်စား၍လည်း အမျိုးမျိုး ပြုလုပ်စားသုံးကြပါသည်။ တို့ဟူးကို ကုလားပဲအား ကျိုချက်၍ပြုလုပ်ကြကြောင်း၊ ကုလားပဲ အစစ်မှုန့် (၂၅)ကျပ်သားကြိုလျှင် ရေ နို့ဆီဗူး (၆)ဗူးထည့်၍ မနားတိုင်းမွှေပေးရပြီး အိမ်မြှောင် အမြီးတန်းလာ လျှင် ဆီသုတ်ထားသည့် ဗန်းထဲသို့ ကြိုထားသော တို့ဟူးများကို လောင်းထည့်ပေးရကြောင်း၊ အချိန်(၂) နာရီခန့် အအေးခံထားလျှင် တို့ဟူးစားသုံးရန် အသင့်အနေအထားသို့ ရောက်ရှိပါကြောင်း၊ ကုလားပဲ (၂၅)ကျပ်သားကြိုလျှင် တို့ဟူး (၇၅)ကျပ်သားခန့် ရရှိကြောင်း၊ တို့ဟူးကို သူ့ချည်း သက်သက် တစ်မျိုးတည်း သုပ်စားနိုင်သလို မုန့်ဟင်းခါးဖတ်၊ ခေါက်ဆွဲ၊ ကြာဇံ၊ သင်္ဘောသီး၊ ပဲပြားကြော်တို့နဲ့ အတူ အသုပ်စုံထဲမှာ ထည့်လို့လည်း သုပ်စားကြသလို ဟင်းချက်၍လည်း စားသုံးကြကြောင်း၊ တို့ဟူးမှာ ပရိုတိန်းဓာတ်၊ အမျှင်ဓာတ်၊ အဆီဓာတ်၊ ကြေးဓာတ်၊ သံဓာတ်၊ သွပ်ဓာတ်၊ ကယ်လိုရီဓာတ် စသည့် ဓာတ်ပစ္စည်းများပါဝင်သောကြောင့် တို့ဟူးစားသုံးခြင်းဖြင့် နှလုံးရောဂါ၊ ကင်ဆာရောဂါ၊ အစာအိမ်ရောဂါ၊ ဆီးချိုရောဂါ၊ အသားအရည်လှပခြင်း၊ အဆီကျ ခြင်းစသည့် အကျိုးကျေးဇူးများရရှိ ကြောင်း၊ ဈေးကွက်အတွင်း တို့ဟူးတစ်ပိဿာလျှင် (၄၀၀၀/-) ကျပ်၊ တို့ဟူးခြောက် (၁၀)ကျပ်သားလျှင် (၁၅၀၀/-) ကျပ် ဈေးနှုန်းများဖြင့် ရောင်းဝယ်လျက်ရှိ ကြောင်း သိရှိရပါသည်။
DOCA(မန္တလေး)