ဧရာ၀တီတိုင်းဒေသကြီး၊ ညောင်တုန်းမြို့နယ်၏ မြေဩဇာကောင်းမွန်သော နှုန်းမြေ ပေါ်တွင် ငရုတ်သီးစိုက်ပျိုးရန် အကောင်းဆုံးဖြစ်ပြီး ဟင်းခတ်အမွှေးအကြိုင်သီးနှံတွင် မပါမဖြစ် သုံးစွဲနေသော ငရုပ်သီးကို ပြည်ပသို့ တင်ပို့ရန်နှင့် ပြည်တွင်းသုံးစွဲရန် နှစ်စဉ် မိုးရာသီနှင့် ဆောင်း ရာသီတို့တွင် စိုက်ဧက (၁၂၀၀၀) ၀န်းကျင် စိုက်ပျိုးလျက်ရှိကြောင်း သိရသည်။
ညောင်တုန်းမြို့ဈေးကွက်တွင် အရောင်းအဝယ်ဖြစ်လျက်ရှိသော ငရုပ်သီးဈေးနှုန်းမှာ ယခင်နှစ် (၁) ပိဿာလျှင် ကျပ် (၄၀၀၀/၅၀၀၀) ဈေးဖြင့် အရောင်းအဝယ်ဖြစ်လျက်ရှိသော်လည်း ယခုနှစ် ငရုပ်သီးဈေးနှုန်းမှာ (၁) ပိဿာလျှင် ကျပ် (၇၀၀၀) ဝန်းကျင်ဈေး ရရှိသည့်အတွက် ငရုပ်စိုက်ပျိုးသောတောင်သူများ တွက်ချေကိုက်လျက်ရှိကြောင်း ငရုပ် (၁) ပိဿာ ဈေးနှုန်းမှာ ယခင်နှစ်နှင့်ယခုနှစ် ကာလတူနှိုင်းယှဉ်ပါက (၁) ပိဿာလျှင် ကျပ် (၂၀၀၀/၃၀၀၀) ၀န်းကျင် ပိုမိုရရှိကြောင်း ငရုပ်သီးဈေးကွက်မှ သိရှိရပါသည်။
DOCA(ဧရာဝတီ)