စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် ရာသီပေါ်သီးနှံများဖြစ်သော ခဝဲသီး၊ ရွှေဖရုံသီး၊ ကန့်လန့်ဖူး၊ မုံညှင်းရွက်၊ ခရမ်းကဆော့သီး၊ ကြက်ဟင်းခါးသီး၊ ခရမ်းသီးများ ရောင်းချလျက်ရှိရာ ယခုအခါဟင်းညံ့(ခေါ်) ဟင်းကြာဖူးများ ရောင်းချလျက်ရှိကြောင်း သိရ သည်။ဟင်းညံ့(ခေါ်)ဟင်းကြာဖူးသည် ရေရရှိတဲ့နေရာတွေမှာပေါက်ပြီး ကြာရိုးကြာစွယ်မျိုးနွယ် ဝင်အပင်တစ်မျိုးဖြစ်ပြီး မြစ်၊ ချောင်း၊ ကန်၊ မြောင်းများတွင် အလေ့ကျပေါက်ရောက်လေ့ရှိပါ သည်။နူးညံ့တဲ့အဖူးလေးတွေကိုချိုးပြီး ချက်စားရတဲ့ဟင်းတစ်မျိုးဖြစ်ပါသည်။ဟင်းညံ့(ခေါ်)ဟင်း ကြာဖူးသည် ကြော်စား၍သော်လည်းကောင်း၊ ဟင်းချက်၍သော်လည်းကောင်း စားသုံးရလို့ရပါ သည်။ ယခုအခါ ဟင်းညံ့(ခေါ်)ဟင်းကြာဖူးများကို နတ်ပေးကျေးရွာရှိ ဒေသခံများမှခူးယူ၍ မြို့မဈေးသို့ လာရောက်ရောင်းချကြကြောင်း၊ ၂၀၂၅ခုနှစ်၊ အောက်တိုဘာလ တတိယပတ်အတွင်း ရောင်းချလျက်ရှိသော ဟင်းညံ့(ခေါ်)ဟင်းကြာဖူး (၁)စည်းလျှင်(၃၀၀)ကျပ်၊ (၂)စည်းလျှင် (၅၀၀) ကျပ်ဖြင့်ရောင်းချလျက်ရှိပြီး အရင်းအနှီးမလိုပဲ အပိုဝင်ငွေရရှိနိုင်ကြောင်း သတင်းရရှိပါသည်။
DOCA(စစ်ကိုင်း)