![](http://www.doca.gov.mm/sites/default/files/styles/consumer_inner_image__847x424_/public/Bago 50_0.jpg?itok=LsFLcuNZ)
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများ ဆောင်ရွက်လျက်ရှိပြီး ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် အသင်း၊ အစုအဖွဲ့နှင့် ကုန်စည်ဒိုင်များ ဖွဲ့စည်းခြင်း၊ ဖွဲ့စည်းပြီးအသင်းအဖွဲ့များ၊ ကုန်စည်ဒိုင်များပိုမိုခိုင်မာ အားကောင်းလာစေရေး ပူးပေါင်း ဆောင်ရွက်လျက်ရှိပြီး စီးပွားရေးလုပ်ငန်းရှင်များနှင့် တွေ့ဆုံ၍ လုပ်ငန်းဆောင်ရွက်နိုင်မှုအခြေအနေများ မေးမြန်းဆွေးနွေးခြင်းများ ဆောင်ရွက်လျက်ရှိပါသည်။
အောက်တိုဘာလ(၁၇)ရက်နေ့ နံနက်(၁၀:၃၀)နာရီအချိန်တွင် ရွှေဘိုခရိုင် စားသုံသူရေးရာဦးစီးဌာနမှ ဝက်လက်မြို့နယ်တာဝန်ခံ ဦးမျိုးအောင်သည် ဝက်လက်မြို့၊ အမှတ်(၃)ရပ်ကွက်ရှိ စိန်တိုးဆီစက် လုပ်ငန်းရှင်နှင့်တွေ့ဆုံ၍ ဆီကြိတ်ခွဲနိုင်မှုအခြေအနေ၊ ဈေးနှုန်းနှင့် ဈေးကွက်အခြေအနေများကို မေးမြန်း ဆွေးနွေခဲ့ပါသည်။ ထိုသို့တွေ့ဆုံရာတွင် စီးပွားရေးလုပ်ငန်းရှင်မှ မိမိ၏ဆီစက်သည် အလတ်စား ဆီစက်ဖြစ်ပြီး တစ်နိုင်တစ်ပိုင်သာဆောင်ရွက်ကြောင်း၊ တစ်နှစ်လျှင် မိုးဆီထွက်သီးနံတစ်လခန့်နှင့် ဆောင်းဆီထွက်သီးနှံ တစ်လခန့်သာကြိတ်ခွဲနိုင်ပြီး နဝလီသာကြိတ်ခွဲကြောင်း၊ တစ်ရက်လျှင် လုပ်သား နှစ်ဦးဌားရမ်းအသုံးပြုပြီး လုပ်သားခမှာ တစ်ဦးလျှင်(၈၀၀ဝိ/-)နှုန်းပေးရကြောင်း၊ တစ်ရက်လျှင် ရှစ်နာရီကြာကြိတ်ခွဲပြီး အဆိုပါကြိတ်ခွဲချိန်အတွင်း (ပဲ၊ နှမ်း) တင်းနှစ်ဆယ်ခန့်ကြိတ်နိုင်၍ ဆီပိဿာ (၁၀၀)ခန့်ထွက်ရှိကြောင်း၊ ကြိတ်ခမှာတစ်တင်းလျှင်(၃၀၀ဝိ/-) ကျပ်ရရှိပြီး နဝလီလာရောက်ကြိတ်ခွဲ သူများမှ ပဲဖတ်၊ နှမ်းဖတ်ရောင်းမည်ဆိုပါက တစ်ပိဿာလျှင်(၁၅၀ဝိ/-) ဈေးဖြင့်ဝယ်ယူကြောင်း၊ တစ်လလျှင် နဝလီကြိတ်ခွဲနိုင်မှု တင်း(၃၀၀)ခန့်ရှိပြီး ဆီထွက်ပိဿာ (၁၆၀၀)ခန့်ထွက်ရှိကြောင်း၊ ရောင်းဈေးအနေဖြင့် မြေပဲဆီတစ်ပိဿာလျှင်(၁၇၀၀ဝိ/-)၊ နှမ်းဆီတစ်ပိဿာလျှင်(၁၄၀၀ဝိ/-)ဖြင့် ရောင်းချလျက်ရှိကြောင်း သိရှိရပါသည်။
မြို့နယ်တာဝန်ခံမှလည်း စားသုံးသူရေးရာဦးစီးဌာနအနေဖြင့် ပြည်တွင်းကုန်သွယ်မှုဖွံ့ဖြိုးရေး လုပ်ငန်းများအပြင် စားသုံးသူကာကွယ်ရေးလုပ်ငန်းများကို ဥပဒေ၊ အမိန့်၊ ညွှန်ကြားချက် များနှင့်အညီ ဆောင်ရွက်လျက်ရှိကြောင်း၊ ဆီကို မိမိအမှတ်တံဆိပ်ဖြင့် ရောင်းချလိုပါက စားသုံးသူကာကွယ်ရေးဥပဒေ အခန်း(၁၉)ပါ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ မြန်မာနိုင်ငံစားသုံးသူကာကွယ်ရေး ကော်မရှင်၏ ညွှန်ကြားချက်အမှတ်(၂/၂၀၁၉)ပါ အကြောင်းအရာများကို အသေးစိတ်ရှင်းလင်း ဆွေးနွေးခဲ့ပြီး စားသုံးသူကာကွယ်ရေး အသိပညာပေးလက်ကမ်းစာစောင်များ ဖြန့်ဝေခဲ့ကြောင်း သတင်းရရှိပါသည်။
DOCA(စစ်ကိုင်း)