တိုင်ထောင်ပဲကို ခေါက်ဆွဲကြော်၊ ကြာဇံကြော်နှင့် အစိမ်းကြော်များ ကြော်လှော် ချက်ပြုတ်ရာတွင် စားသုံးသကဲ့သို့ သီးသန့်ကြော်၍ လည်းကောင်း၊ ချက်ပြုတ်၍လည်းကောင်း၊ တို့စရာ အဖြစ်လည်းကောင်း စားသုံးကြပါသည်။ တိုင်ထောင်ပဲကို မျိုးအလိုက်စိုက်ပျိုးပြီး စိုက်ပျိုးပြီးသည်မှ (၄၅) ရက်တွင် ခူးဆွတ်နိုင်ပါသည်။ စတင်ခူးဆွတ်သည့်အချိန်မှစ၍ (၂) ခွဲ (၃) လအထိ ခူးဆွတ်နိုင်ကြောင်း သိရှိရပါသည်။ တိုင်ထောင်ပဲကို ဧပြီလတွင် (၁) ကြိမ်၊ ဇူလိုင်လနှင့် ဩဂုတ်လတွင် (၁) ကြိမ်၊ တစ်နှစ်လျှင် (၂) ကြိမ် စိုက်ပျိုးနိုင်ပါသည်။ တိုင်ထောင်ပဲကို (၁၀) ထောင့် (၁) စီးလျှင် (၅၀၀) ကျပ်ဖြင့် အရောင်းအဝယ်ဖြစ်လျက်ရှိပြီး အထုံးကြီး (၁) ထုံးလျှင် (၅၀၀၀) ကျပ်ဖြင့် ရောင်းဝယ်လျက်ရှိကြောင်း သိရှိရပါသည်။
(DOCA) ဧရာဝတီ