မအူပင်မြို့တွင် အထင်ကရ နေရာတစ်ခုဖြစ်သော နာရီစဉ်သည် ယခင် နှစ်များစွာက ကမ်းနားဆိပ်ကမ်း တစ်ခုဖြစ်၍ လူစည်ကားသော မြစ်ဆိပ်တစ်ခုဖြစ်သည်။ ထိုမြစ်ဆိပ် အနီးတွင် စံမတူ ခေါ် ထမင်းနှင့် မုန့်ဟင်းခါး ရောင်းချသူမှာ နှစ်ပေါင်း ၂၀ခန့်ရှိပြီး ယနေ့အချိန်ထိ စံမတူ မုန့်ဟင်းခါးနှင့် ဖက်ထုတ်ထမင်းဆိုင်သည် ရောင်းအားကောင်း၍ အလည်လာရောက်သူ မြို့ခံများက မအူပင်ဖက်ထုတ်ထမင်းကို လူကြိုက်များ၍ ဝယ်ယူစားသောက်ကြသည်။ ယခင်က သင်္ဘောဆိပ်ကမ်းဖြစ်၍ ရန်ကုန်သို့ သွားရောက်သူများ အရောင်းအဝယ်စည်ကားရာနေရာတစ်ခုဖြစ်သည်။
မအူပင်မြို့တွင် ဖက်ထုတ်ထမင်းကို တစ်နေ့လျင် လူဦးရေ အနည်းဆုံး ၁၂၀ နီးပါး ဝယ်ယူကြောင်း ဖက်ထုတ် ထမင်း တစ်ထုတ်လျှင် ၅၀၀၀ကျပ်ဖြင့် ရောင်းချလျက်ရှိကြောင်း သိရသည်။ မည်သည့် ဟင်းနှင့်မဆို ၁ထုတ်လျှင် ၅၀၀၀ကျပ်ဖြင့်သာ ရောင်းချကြောင်း ဆိုင်ရှင်ထံမှ သိရသည်။ ဝယ်ယူစားသုံးသူများအတွက် သက်သာစေပြီး ပူပူနွေးနွေး ကြာဖတ်ဖြင့် ထုတ်ပိုးရောင်းချထားသည်။ ဆန်တစ်နေ့ ၅ပြည်မှ ၇ပြည်အထိချက်ရပြီး ဟင်းမျိုးစုံ ဆိတ်၊ဝက်၊အမဲ၊ပုဇွန်၊ငါးဖယ်ခြစ်၊ ငါးကျော်နှပ်၊ ဘဲဥချဉ်ဟင်း၊ အရအနေဖြင့် ချဉ်ပေါင်ကျော်၊ ငံပြာရေကျော်၊ ငရုတ်သီးထောင်း၊ တို့စရာအစုံ ထည့်၍ ထုတ်ပိုးပေးကြောင်း တစ်နေ့ရောင်းအားအနေဖြင့် ဖက်ထုတ်သီးသန့် ၆၀၀၀၀၀ ကျပ် ရောင်းချရကြောင်း၊ မအူပင်မြို့နယ်တွင် သား၊ငါး မွေးမြူ၊ ဟင်းသီးဟင်းရွက်ပေါ်များသဖြင့် ဈေးကြီးမြင်ခြင်းမရှိပဲ အလွယ်တကူ ဝယ်ယူရသင့်တင့်၍ ဖက်ထုတ်ထမင်းကို လူမျိုးဘာသာမရွေး ဝယ်ယူစားသုံးနိုင်ကြောင်း ထမင်းသီးသန့်နှင့် ဘဲဥ ချဉ်ဆီပြန် ဝယ်ယူ ဆိုင်ထိုင်စားပါက တစ်ပွဲ ၂၀၀၀ ကျပ်ဖြင့်သာရောင်းချကြောင်း၊ အခြားသော အိုးဘဲဥ မုန့်ဟင်းခါးပါတွဲ ဖက်ရောင်းချရသဖြင့် ရောင်းအားကောင်း၍ အဆင်ပြေလျက်ရှိကြောင်း မအူပင်နာရီစဉ် ဈေးဆိပ်သည် နံနက် ၄နာရီမှ ည ၁၁နာရီအချိန်ထိ ရောင်းချပေးလျက်ရှိကြောင်း ယခင်နှစ်များကဆို ညလုံးပေါက် ရောင်းချရသော ဆိုင်များဖြစ်ကြောင်း စံမတူဆိုင်ပိုင်ရှင်ထံမှ သိရသည်။
DOCA(ဧရာဝတီ)