မန္တလေးတိုင်းဒေသကြီး ၊ ကျောက်ဆည်ခရိုင်တွင် သီးနှံမျိုးစုံစိုက်ပျိုးလျက်ရှိရာ ၄င်းသီးနှံ များအနက် ပဲတီစိမ်းသီးနှံကိုလည်း တောင်သူများမှ သီးထပ်သီးညှပ် စိုက်ပျိုးသည့်အပြင် သီးသန့်ဧကအလိုက် စိုက်ပျိုးလျက်ရှိပါသည်။ ပဲတီစိမ်းဆောင်း စိုက်ပျိုးမှု ကုန်ကျစရိတ်အနေဖြင့် မျိုး၊သွင်းအားစု၊လုပ်သားခ အပါအဝင် စုစုပေါင်း(၅၀၀၀၀၀/-)ကျပ်ခန့် ကုန်ကျကြောင်း ၊ ပဲတီစိမ်းဆောင်းကို အောက်တိုဘာနှင့်နိုဝင်ဘာလများတွင် စတင်စိုက်ပျိုးကြပြီး ဇန်နဝါရီနှင့် ဖေဖော်ဝါရီလများတွင်စတင်ထွက်ရှိမှာဖြစ်ကြောင်း၊ပဲတီစိမ်းစိုက်ပျိုးမှု မျိုးအနေဖြင့် ကျောက်စိမ်းမျိုး နှင့်ရေးဆင်း-၁၁မျိုးများကိုသာ အများဆုံးစိုက်ပျိုးကြကြောင်း ၊ (၁)ဧက မျိုးစေ့(၅-၆) ပြည်ခန့် ကုန်ကျကြောင်း ၊ ပဲတီစိမ်းမျိုးစျေးနှုန်းအနေဖြင့် (၁)ပြည်လျှင်(၇၀၀၀/-)ကျပ်စျေးနှုန်းဖြင့် ဝယ်ယူစို က်ပျိုးရပြီး (၁)ဧက အထွက်နှုန်းအနေဖြင့်(၁၁-၁၂)တင်းခန့်ထွက်ရှိကြောင်း၊အများဆုံး စိုက်ပျိုးသော ရွာများမှာ သပြေသာ၊တမာပင်၊ကူဖြူရွာများတွင် အများဆုံးစိုက်ပျိုးကြကြောင်း၊ ပဲတီစိမ်း စိုက်ပျိုးမှု အနေဖြင့် ဘောင်ကြောင်းပေး အတန်းလိုက်စနစ်ဖြင့် အစေ့ချစိုက်ပျိုးကြကြောင်း ၊ ယခင်နှစ် ပဲတီစိမ်းစျေးနှုန်းအနေဖြင့် တစ်တင်းလျှင်(၈၀၀၀၀/-)ကျပ်စျေးနှုန်းရှိခဲ့ပြီး ယခုအချိန်တွင် ပဲတီစိမ်း တစ်တင်းလျှင်(၁၁၀၀၀၀/-)ကျပ်စျေးနှုန်းများဖြင့် အရောင်းအဝယ်ဖြစ်နေကြောင်း၊ယခင်နှစ်နှင့်ယခု နှစ်စျေးနှုန်းများနှိုင်းယှဉ်ပါက ပဲတီစိမ်းစျေးမှာ မြင့်တက်လျက်ရှိပါသည်။ စျေးကွက်အနေဖြင့် ကျောက်ဆည်မြို့ပေါ်ရှိပွဲရုံများသို့ လာရောက်ရောင်းချကြပြီး ပွဲရုံများမှတဆင့် မန္တလေး၊ရန်ကုန်မြို့ များသို့တင်ပို့ရောင်းချကြကြောင်းသိရှိရပါသည်။တောင်သူများ ပဲတီစိမ်းစိုက်ပျိုးမှုဖြင့် ဝင်ငွေတိုး၍ အကျိုးအမြတ်ပိုမိုရရှိကြောင်း၊ ထွက်ပေါ်ချိန်တွင်လည်း ပဲတီစိမ်းစျေးနှုန်းများကောင်းမွန်ပါက အကျိုးအမြတ်ပိုမိုဖြစ်ထွန်းနိုင်မည်ဖြစ်ကြောင်း၊ပဲတီစိမ်းစိုက်ပျိုးသော တောင်သူတစ်ဦး၏ ပြောကြား ချက်အရသိရှိရပါသည်။
DOCA(မန္တလေး)