ဂေါ်ရခါးညွန့်(ခေါ်)ဆူကာညွန့်ကို ရှမ်းပြည်နယ်တောင်ပိုင်း၊ တောင်ကြီးမြို့နယ်တစ်ဝှိုက်တွင် စိုက်ပျိုးလျက်ရှိကြသည်။ ဂေါ်ရခါးညွန့်ကို စိုက်ပျိုးရန် အကောင်းဆုံးရာသီမှာ မိုးရာသီဖြစ်ပါသည်။ အနာ ဆာကင်းသောဂေါ်ရခါးသီးအရင့်များကို အညှောက်ပေါက်အောင်ပြုစုပြီး စိုက်ပျိုးကြပါသည်။စိုက်ပျိုးပြီး (၂)လခန့်ကြာလျှင် ရောင်းတန်းဝင်သော အညွန့်များကိုခူးဆွတ်ရောင်းချနိုင်ပါသည်။ တစ်ပတ်တစ်ကြိမ် အညွန့်များကိုခူးဆွတ်နိုင်ပြီး(၁၅)ညွန့်ခန့်ကိုတစ်စည်းစည်း၍ ဈေးကွက်သို့ဖြန့်ဖြူးရောင်းချ ကြပါသည်။ တစ်စည်းလျှင် (၁၀၀၀) ကျပ်မှ (၁၅၀၀) ကျပ်အထိ အရွက်အရည်အသွေးပေါ်မူတည်၍ စျေးကောင်း ရရှိကြပါသည်။ ရှမ်းပြည်နယ်၏ရာသီဥတုနှင့် စိုက်ပျိုးကိုက်ညီသဖြင့် ဂေါ်ရခါးညွန့်စိုက်ပျိုး တောင်သူ အဖို့ အရင်းနှီးအနည်းငယ်ဖြင့် ဝင်ငွေများများရရှိစေသော ကုန်စိမ်းတစ်မျိုးဖြစ်ပါသည်။
DOCA(ရှမ်း)