ဧရာဝတီတိုင်းဒေသကြီး၊ ကျောင်းကုန်းမြို့နယ်၌ ပိန်းဥများဝယ်လိုအားကောင်းနေပြီး အရောင်း အဝယ်ကောင်းမွန်နေကြောင်း ကုန်စိမ်းရောင်းချသူ လုပ်ငန်းရှင်များထံမှ သိရှိရပါသည်။ ကျောင်းကုန်း ဒေသထွက် ပိန်းဥများအရောင်းအဝယ်ကောင်းမွန်နေကြောင်း၊ တစ်ရက်လျှင် ပိဿာ ၂၅၀၀ မှ ၅၅၀၀ အထိ အရောင်းအဝယ်ကောင်းမွန်နေကြောင်း သိရှိရပါသည်။ ဈေးနှုန်းမှာ တစ်ပိဿာလျှင် ၅၀၀၀ ကျပ်မှ ၆၀၀၀ ကျပ်အထိ အရောင်းအဝယ်ဖြစ်နေကြောင်းသိရှိရပါသည်။
ကျောင်းကုန်းမြို့နယ်၌ ပိန်းဥဈေးကွက်ကောင်းမွန်နေသည့်အတွက် တောင်သူများ၊ ကုန်သည် များ၊ ကုန်တင်၊ကုန်ချလုပ်သားများ၊ ကုန်တင်ယာဉ်အငှားလိုက်သူများ အလုပ်အကိုင် အခွင့်အလမ်းများ စွာရလျက်ရှိကြောင်း သိရှိရပါသည်။
DOCA(ဧရာဝတီ)