တောင်ငူမြို့ညောင်ပင်လေးဈေးသို့ တောင်ငူမြို့ အနီးတဝှက်ရှိ မြို့များနှင့် အခြားဒေသများ မှ ထွက်ရှိသော သစ်သီးဝလံများနှင့် ဟင်းသီးဟင်းရွက်များ တင်ပို့ရောင်းချလျှက်ရှိရာ ယခုအခါ ပေါ်ဦးပေါ်ဖျား ဇီးပုလဲသီး နှင့် ဇီးပဲလှော်သီးများ ရောင်းချလျက်ရှိနေသည်။
ဆီးသီးများကို အသီးမျိုးစုံရောင်းချသည့်ဆိုင်များနှင့် အသီးသုတ်ရောင်းချသည့် အချဉ်ပေါင်း သည်များတွင် အများဆုံး ရောင်းချလျက်ရှိသည်။ ဆီးသီးများကို သုတ်စားခြင်း၊ နေပူလှန်း၍ ဇီးယို ထိုးစားခြင်း၊ အမှုန့်မျိုးစုံဖြင့် သုတ်စားခြင်း စသည့်ဖြင့် မျိုးစုံလုပ်စားကြသည်။ ပေါ်ဦးပေါ်ဖျား ဖြစ်သည့်အတွက် ဆီးပုလဲသီး နို့ဆီဘူး ၄လုံးဆန့် ပြည်တောင်း အသေး ၁ ပြည်လျှင် ၃၀၀၀ ကျပ်၊ နို့ဆီဘူး ၈ လုံးဆန့် ပြည်တောင်း အကြီး ၁ ပြည် လျှင် ၅၀၀၀ ကျပ်၊ ဆီးပဲလှော် နို့ဆီဘူး ၁ဘူး လျှင် ၅၀၀ကျပ်၊ နို့ဆီဘူး ၈လုံးဆန့် ၁ပြည်လျှင် ၃၅၀၀ကျပ်ဖြင့် ရောင်းချလျှက်ရှိပြီး နောက်အပါတ်များတွင် ဆီးသီးများလှိုင်လှိုင်ပေါလာမည်ဖြစ်သည့်အတွက် ဈေးနှုန်း အနည်းငယ်ကျဆင်းနိုင်ပါသည်။ အသီးသုတ် ရောင်းချသည့် ဈေးသည်များနှင့် များများဝယ်ယူသည့် ဖောက်သည်များအား ဈေးနှုန်း အပြောင်းအလဲ ရှိကြောင်း ဆီးသီးရောင်းချသည့် ဈေးသည်များထံမှ သိရှိရပါသည်။
DOCA(ပဲခူး)