တနင်္သာရီတိုင်းဒေသကြီး၊ မြိတ်ခရိုင်အတွင်း ကြံများကို ကျေးရွာများတွင် စီးပွားဖြစ်စိုက်ပျိုး ကြသလို မြို့ပေါ်များတွင်လည်းတစ်နိုင်တစ်ပိုင်စိုက်ပျိုးကြလျက်ရှိပါသည်။ စိုက်ပျိုးကြသောကြံများ ကို ကြံရည်အဖြစ်ထုတ်လုပ်ရောင်းချရန် အဓိကထားပြီး သကြားအဖြစ် ကုန်ချောထုတ်လုပ်ရန် ကုန်ကြမ်းလုံလောက်မှုမရှိသဖြင့် ဒေသအတွက်လိုအပ်သော သကြားများကို ရန်ကုန်မြို့မှ တစ်ဆင့် ရေလမ်းကုန်လမ်းများဖြင့် သယ်ယူရောင်းချကြပါသည်။ ၂၀၂၅ခုနှစ်၊ အောက်တိုဘာလတွင် သကြား စျေးနှုန်းမှာ တစ်ပိဿာလျှင် ၆၀၀၀ ကျပ် ဖြစ်၍ ယခုနိုဝင်ဘာလ၊ ပထမပတ်တွင် ၅၅၀၀ ကျပ် စျေးကျဆင်းလာကြောင်း ကုန်စုံဆိုင်ရောင်းချနေသူများထံမှ သိရှိရပါသည်။
DOCA(တနင်္သာရီ)