မြိတ်ခရိုင်စားသုံးသူရေးရာဦးစီးဌာနနှင့် ခရိုင်ပြည်သူ့ကျန်းမာရေးဦးစီးဌာနတို့ပူးပေါင်း၍ ၂၀၂၅ ခုနှစ်၊ နိုဝင်ဘာလ(၆)ရက်နေ့၊ နံနက်(၁၁း၀၀) နာရီအချိန်တွင် မြိတ်မြို့၊ မြစ်ငယ်ရပ်၊ အမှတ်(၃) အခြေခံပညာအထက်တန်းကျောင်းပတ်ဝန်းကျင်ရှိ ကျောင်းမုန့်ဆိုင်များအား ထုတ်ကုန်လုံခြုံစိတ်ချ ရမှုရှိစေရေး ကွင်းဆင်းစစ်ဆေးခဲ့ကြောင်း သိရှိရပါသည်။
ကွင်းဆင်းစစ်ဆေးရာတွင် စားသုံးရန်မသင့် ကြော်ငြာထားသော ထုတ်ကုန်များရောင်းချခြင်း မရှိစေရန်နှင့် သက်တမ်းလွန်စားသောက်ကုန်များရောင်းချခြင်းမရှိစေရန်၊ ကုန်အညွှန်းအမှတ်အသား ဖော်ပြထားသော စားသောက်ကုန်များရောင်းချရန်၊ ကျန်းမာရေးနှင့်ညီညွှတ်သော အစားအသောက်များရောင်းချရန်၊ လက်လုပ်မုန့်များတွင် ခြင်၊ ယင်မနားစေရန် ပြောကြားခဲ့ပြီး လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။
DOCA (တနင်္သာရီ)