လီလီပန်းသည် ဘုရားပန်းအိုးများလဲရာတွင် လူကြိုက်အများဆုံးဖြစ်သဖြင့် ဥယျာဉ်ခြံမြေများတွင် စိုက်ပျိုးကြပါသည်။ ယခုအချိန်သည် လီလီပန်းများပေါ်ချိန်ဖြစ်သဖြင့် ပြည်မြို့နယ် အတွင်းရှိ ဈေးများတွင် ရောင်းချလျက်ရှိပါသည်။ လူသိများသည့် လီလီပန်းမျိုးတွင် ဂျပန် လီလီပန်း မျိုးမှာ အနံပါသည့်ပန်းနှင့် အနံမပါသည့် ပန်းမျိုးဟူ၍ (၂)ရှိပြီး အရောင်မှာ ပန်းရောင်နှင့် အဖြူရောင်တို့ ဖြစ်ပါသည်။ အက်စတာလီလီပန်း (ခေါ်) ကျူးလစ်ပန်းမှာ တစ်ပွင့်လုံး အဖြူရောင်ရှိပြီး လူကြိုက် များသဖြင့် ဈေးကောင်းရလျှက်ရှိပါသည်။ လီလီပန်းကို ပြည်မြို့နယ်တွင် အနည်းငယ်သာစိုက်ပျိုးပြီး မန္တလေးတိုင်းဒေသကြီး၊ ပြင်ဦးလွင်မြို့မှ မှာယူ၍ ဒေသတွင်းတွင် လက်လီရောင်းချသည့်အပြင် ရန်ကုန်မြို့နှင့် နေပြည်တော်မြို့များသို့ တင်ပို့ရောင်းချလျက်ရှိပါသည်။ လီလီပန်း ဈေးနှုန်းများအနေဖြင့် ပန်းပွင့် ၃-၄ပွင့်ပါ တစ်ခိုင်လျှင် ၁၅၀၀-၂၀၀၀ကျပ်နှုန်း ဖြင့် ရောင်းချလျက်ရှိကြောင်း သိရှိရပါသည်။
DOCA(ပဲခူး)