၅.၁၁.၂၀၂၅ ရက်နေ့တွင် ဘီးလင်းမြို့နယ်စီမံခန့်ခွဲရေးနှင့်အုပ်ချုပ်ရေးကော်မတီ (ဥက္ကဋ္ဌ)ဦးဆောင်ကြီးကြပ်မှုဖြင့် မြို့နယ်ရေနံနှင့် ရေနံထွက်ပစ္စည်းဆိုင်ရာ လုပ်ငန်းများ ထိန်းသိမ်းကြီးကြပ်ရေးဆပ်ကော်မတီအဖွဲ့မှ ဘီးလင်းမြို့နယ်အတွင်းရှိ စက်သုံးဆီအရောင်းဆိုင်များအား စစ်ဆေးဆောင်ရွက်ခဲ့ရာတွင် ဘီးလင်းမြို့နယ်တာဝန်ခံမှ ပူးပေါင်းဆောင်ရွက် ခဲ့ပါသည်။
စစ်ဆေးမှုတွင် Denko စက်သုံးဆီဆိုင်နှင့် ထန်းနှစ်ပင်စက်သုံးဆီဆိုင်တို့အား ဆီလက် ကျန်ပမာဏများကို စိစစ်ရာ လက်ရှိတွင်ပုံမှန်အတိုင်းရောင်းချနေပြီး စက်သုံးဆီများလက်ကျန် ကျန်ရှိနေကြောင်း တွေ့ရှိရသည်။
အဖွဲ့မှ ဆီဆိုင်များအား သတ်မှတ်ဈေးနှုန်းနှင့်အညီ ပုံမှန်အတိုင်း ရောင်းချရန်၊ စက်သုံးဆီပြတ်လပ်မှုမဖြစ်စေရန်၊ သက်ဆိုင်ရာဌာနများ၏ စည်းမျဉ်းစည်းကမ်းများကို လိုက်နာရန် ညွှန်ကြားခဲ့ကြောင်း သိရသည်။
စားသုံးသူရေးရာဦးစီးဌာနအနေဖြင့်လည်း စက်သုံးဆီအရည်အသွေး၊ အလေးချိန်၊ ဈေးနှုန်းများမှန်ကန်စွာရောင်းချရန် အသိပညာပေးဆွေးနွေးခဲ့ပါသည်။
DOCA (မွန်)