စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့ပေါ်နှင့် မြို့နယ်အတွင်းရှိ ကျေးရွာများ၌ ကြောင်လျှာပင်ကို မိမိနေအိမ်ခြံစည်းရိုးများနှင့် ယာကွက်စည်းရိုးများတွင် စိုက်ပျိုးကြ ရာကြောင်လျှာပွင့်နှင့် အသီးတို့ကို ဟင်းလျာအဖြစ်စားသုံး၍ရသည့်အပြင် အမြစ်နှင့်အခေါက်တို့ကို လည်းဆေးအတွက် အသုံးပြုကြကြောင်း၊ ကြောင်လျှာပင်စိုက်ပျိုးရာတွင် လုပ်အားခနှင့် သွင်းအားစု ကုန်ကျစရိတ် နည်းပါးပြီး နှစ်ရှည်သီးပင်ဖြစ်သည့်အတွက် စိုက်ပျိုးသင့်သည့် အပင်တစ်မျိုးဖြစ် ကြောင်းသိရသည်။
၂၀၂၅ ခုနှစ်၊ ယခု နိုဝင်ဘာလ ပထမပတ်အတွင်း ကန့်ဘလူမြို့မဈေးတွင် အရောင်းအဝယ် ဖြစ်သည့်ဈေးနှုန်းမှာ ကြောင်လျှာသီးလက်လီ (၁)တောင့်လျှင်(၁၀၀၀)ကျပ်၊ လက်က္ကား(၁)တောင့် လျှင်(၉၀၀)ကျပ်၊ အသေး(၁)တောင့်လျှင်(၇၀၀)ကျပ်ဈေးနှုန်းဖြင့်လည်းကောင်း၊ ဒန့်ဒလွန်သီး(၁)စီး လျှင်(၅၀၀)ကျပ်ဖြင့်ရောင်းချလျက်ရှိရာ ယခင်အောက်တိုဘာလ ဈေးနှုန်းများနှင့်နှိုင်းယှဉ်ပါက ယခု ပတ်အတွင်း ကြောင်လျှာသီးတစ်တောင့်လျှင်(၂၀၀)ကျပ် ဈေးနှုန်းကျဆင်းလာကြောင်း ကုန်စိမ်း ရောင်းချသူများထံမှ သိရှိရပါသည်။
DOCA (စစ်ကိုင်း)