နောင်စွန်းရပ်ကွက်ရှိ ဆေးနှင့်ဖြည့်စွက်စာအမျိုးမျိုးရောင်းချသောလုပ်ငန်းရှင် ဦးစိုးရာဇာထွန်း နှင့် တွေ့ဆုံဆွေးနွေးခြင်း

      မိုးညှင်းခရိုင်၊ စားသုံးသူရေးရာဦးစီးဌာန ခရိုင်ဦးစီးမှူးရုံးမှ စစ်ဆေးရေးမှူး ဦးကျော်မိုးလွင်သည် ၇.၁၁.၂၀၂၅ ရက်နေ့ ၁၃:၀၀ အချိန်တွင် မိုးညှင်းမြို့၊ နောင်စွန်းရပ်ကွက်ရှိ ဆေးနှင့်ဖြည့်စွက်စာ အမျိုးမျိုးရောင်းချသောလုပ်ငန်းရှင် ဦးစိုးရာဇာထွန်း (အသက် ၄၀ အထက် ကျား - ၁ ဦး) နှင့် တွေ့ဆုံ ၍ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ အဓိပ္ပာယ်နှင့်တာဝန်များ၊ ကုန်စည် (သို့မဟုတ်) ဝန်ဆောင်မှုအပေါ် တာဝန်ရှိမှု၊ ကုန်စည်/ဝန်ဆောင်မှု စပ်လျဉ်း၍ အာမခံချက်ပေးခြင်း၊ အာမခံပေးထားမှုအပေါ် စားသုံးသူက တောင်းဆိုနိုင်သည့် အခွင့်အရေး၊ ကုန်အညွှန်းအမှတ်အသား များ ဖော်ပြခြင်းနှင့် စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များနှင့်အညီ သိသာ ထင်ရှားစွာ ဖော်ပြရမည့်အချက်များ၊ တားမြစ်ချက်များ၊ ပြစ်မှုနှင့် ပြစ်ဒဏ်များ၊ FDA တွင် မှတ်ပုံတင် ထားသည့် ဆေးနှင့်ဆေးပစ္စည်းများကိုသာ ဝယ်ယူရောင်းချရန်၊ စီးပွားရေး ကျင့်ဝတ်၊ စည်းကမ်းနှင့် အညီ ဖြောင့်မတ်မှန်ကန်စွာ ဆောင်ရွက်ရန်နှင့် ဆေးနှင့် ဆေးပစ္စည်းများအား ဈေးနှုန်းမြှင့်တင် ရောင်းချဖြန့်ဖြူးခြင်း၊ ဈေးတက်စေရန် ရည်ရွယ်ချက်ဖြင့် သိုလှောင်ခြင်းများ ဆောင်ရွက်ပါက အရေး ကြီးကုန်စည်နှင့်ဝန်ဆောင်မှု ဥပဒေအရ အရေးယူဆောင်ရွက်သွားမည်ဖြစ်ကြောင်း အသိပညာပေး ရှင်းလင်းဆွေးနွေးခဲ့ ပါသည်။

DOCA(ကချင်)