၁၀.၁၁.၂၀၂၅ ရက်နေ့တွင် မြို့နယ်ကျန်းမာရေး၏ ဦးဆောင်မှုဖြင့် စားသုံးသူရေးရာ ဦးစီးဌာန၊ မွန်ပြည်နယ်၊ မော်လမြိုင်ခရိုင်၊ချောင်းဆုံမြို့နယ်တာဝန်ခံ ဒုတိယဦးစီးမှူး ဒေါ်ထက်ထက်နွေဦးသည် မြို့နယ်ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ ချောင်းဆုံမြို့နယ် မြို့ပေါ်ရှိ ဆေးဆိုင်များတွင် လူကြီးဖြည့်စွက်စာအတုများ ရောင်းချခြင်း ရှိ/မရှိ စျေးကွက်ကွင်းဆင်း စစ်ဆေးခဲ့ကြောင်း သိရှိရပါသည်။
ထိုသို့ကွင်းဆင်းစစ်ဆေးရာတွင် ချောင်းဆုံမြို့နယ် မြို့ပေါ်ရှိ ဆေးဆိုင်များတွင် လူကြီးဖြည့်စွက်စာအတုများ ရောင်းချခြင်းမရှိကြောင်း၊ ကုန်အညွှန်းအမှတ်အသား ပြည့်စုံစွာ ဖော်ပြထားသည့် လူကြီးဖြည့်စွက်စာများကိုသာ ရောင်းချကြောင်း စစ်ဆေးတွေ့ရှိရပါသည်။
DOCA (မွန်)