စစ်ကိုင်းတိုင်းဒေသကြီး၊ မုံရွာမြို့နယ်အတွင်း အခြေခံစားကုန်စားဖိုဆောင်သီးနှံတစ်မျိုးဖြစ်သည့် ကြက်သွန်နီများ ယခုတစ်ပတ်အတွင်း သိသိသာသာဈေးနှုန်းမြင့်တက်ပြီး အရောင်းအဝယ် ဖြစ်လျက်ရှိကြောင်းသိရသည်။ ယခုလက်ရှိအချိန်တွင် ကြက်သွန်နီ ပွဲရုံလက်ကားဈေး တစ်ပိဿာ လျှင်(ကြီး/လတ်/သေး)ကျပ် ၃၂၀၀-၃၅၀၀-၃၈၀၀ နှုန်းတို့ရှိပြီး လက်လီဈေးမှာ ကြီး/လတ်/သေး တစ်ပိဿာလျှင် ကျပ် ၃၅၀၀-၃၈၀၀-၄၀၀၀ နှုန်းတို့ဖြင့် အရောင်းအဝယ်ဖြစ်လျက်ရှိကြောင်း သိရသည်။ ကြက်သွန်နီကို မုံရွာမြို့နယ်အတွင်းရှိ ကျွဲရဲ၊ မြေနဲ၊ ရွာတုံ၊ တောင်ပလူ ကျေးရွာများတွင် အများဆုံးစိုက်ပျိုးကြပြီး မုံရွာမြို့နယ်အနေဖြင့် တစ်နှစ်လျှင် ပျမ်းမျှဧက (၁၂၀၀၀) ခန့် စိုက်ပျိုးလျက်ရှိပြီး ထွက်ရှိသော ကြက်သွန်နီများကို မန္တလေး၊ ရန်ကုန်မြို့ များနှင့် မြို့တွင်းပွဲရုံများသို့ တင်ပို့ရောင်းချကြကြောင်း သိရသည်။ ယခင်အပတ်အတွင်းဖြစ်ပေါ်ကြက်သွန်နီဈေးနှုန်းများနှင့် နှိုင်းယှဉ်ပါက လက်လီနှင့် လက်ကားဈေးတို့တွင် ၁၀၀ကျပ်မှ ၂၀၀ကျပ်အထိ မြင့်တက်လာကြောင်း သတင်းရရှိပါသည်။
DOCA(စစ်ကိုင်း)