ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်အတွင်းရှိ စက်သုံးဆီ ရောင်းချလျက်ရှိသော စက်သုံးဆီဆိုင်များ ဖွင့်လှစ်ရောင်းချခြင်း ရှိ/မရှိ၊ သတ်မှတ်ရောင်းချဈေးနှုန်းများအတိုင်း ရောင်းချမှု ရှိမရှိ၊ စက်သုံးဆီ သိုလှောင်ထားရှိမှုနှင့် လိုင်စင်ရရှိမှုများ ကို ၁၃-၁၁-၂၀၂၅ ရက်နေ့ နံနက်ပိုင်းက ပူးပေါင်းစစ်ဆေးရေး အဖွဲ့က သွားရောက်စစ်ဆေးခဲ့ကြောင်း သိရသည်။
ပူးပေါင်း စစ်ဆေးရေးအဖွဲ့များဖြစ်သော မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ (မြို့နယ်အုပ်ချုပ်ရေးမှူး)နှင့် အဖွဲ့ဝင်များ၊ မြို့နယ်မီးသတ်ဦးစီးဌာနမှူး၊ (မြို့နယ်စည်ပင်သာယာရေးအဖွဲ့)၊ မြို့နယ် (စားသုံးသူရေးရာဦးစီးဌာန) ဒေါ်ခိုင်ခိုင်လင်း ဒုဦးစီးမှူး တို့သည် မြို့နယ်အတွင်းရှိ စက်သုံးဆီဆိုင်များ၌ ဆီလုံလောက်စွာရောင်းချပေးနိုင်ခြင်း ရှိ/မရှိ၊ စက်သုံးဆီလက်ကျန် ကျန်ရှိမှုအခြေအနေစစ်ဆေးခြင်း၊ စက်သုံးဆီရောင်းချနေတဲ့ ဆိုင်တွေမှာ စက်သုံးဆီ သိုလှောင်ထားရှိသော ပမာဏနှင့် ရောင်းချနိုင်ခြင်း ရှိ/မရှိ စစ်ဆေးခြင်း၊ စက်သုံးဆီဆိုင်တွေမှာ သိုလှောင်ထားတဲ့ ဆီပမာဏပေါ်မူတည်ပြီး ဖွင့်လှစ်ရောင်းချနိုင်စေရန် စစ်ဆေးခြင်းဖြစ်ပြီး မအူပင်မြို့နယ်အတွင်းမှာရှိတဲ့ စက်သုံးဆီဆိုင် (၇) ဆိုင်မှာ မိဘပြည်သူများအနေနဲ့ စက်သုံးဆီများကို စိတ်ချစွာ ဝယ်ယူနိုင်ကြောင်း သိရသည်။
DOCA(ဧရာဝတီ)