စပါးဆန်နှင့် စပ်လျဉ်း၍ မှတ်ပုံတင်ဆောင်ရွက်ရာတွင် ဆန်တန်ချိန် (၅ဝ) သို့မဟုတ် စပါးတင်း (၅ဝဝဝ)နှင့်အထက် သိုလှောင်ထား သည့် ရုံများအားလုံး အကျုံးဝင်ကြောင်း စီးပွားရေးနှင့် ကူးသန်းရောင်း ဝယ်ရေးဝန်ကြီးဌာနက အသိပေးထားပြီး ပြည်တွင်းစားသုံးသည့် ဆန်များနှင့် စပါးသိုလှောင်ထိန်းသိမ်းထားရှိမှုအပေါ် မှတ်ပုံတင်စနစ်ဖြင့် ထိန်းကြောင်းဆောင်ရွက်လျက်ရှိပြီး စည်းကမ်းသတ်မှတ်ချက်တွင် နိုင်ငံခြားသို့တင်ပို့မည့် ဆန်ဂိုဒေါင်များ အပါအဝင် ပြည်တွင်းသုံးစွဲမည့်ဆန်စပါးများ သိုလှောင်သည့် ဂိုဒေါင်များသာပါဝင်ပြီး ပိုင်ရှင်းအလိုက် နှင့် ဆန်စပါး အမျိုးအစားအလိုက်သိုလှောင်သည့် ပမာဏခွဲခြားတင်ပြ၍ မှတ်ပုံတင်ဆောင်ရွက်နိုင်ရေးကို စားသုံးသူရေးရာဦးစီးဌာနမှ ကြ်ပမတ်စစ်ဆေးဆောင်ရွက်လျက်ရှိသည်။
မြေပြင်အမှန်တကယ် သိုလှောင်နေမှုနှင့် စပါးဆန် လက်ကျန်အခြေအနေများကို ဈေးကွက်ဈေးနှုန်း တည်ငြိမ်စေရေး အတွက် လစဉ် ပူးပေါင်းအဖွဲ့များဖြင့် ကွင်းဆင်းစစ်ဆေးဆောင်ရွက်ခြင်းများကို ၁၅-၁၁-၂၀၂၅ ရက်နေ့ နေ့လည် ၃နာရီအချိန်က ပူးပေါင်းအဖွဲ့များဖြစ်သော မြို့နယ် အထွေထွေအုပ်ချုပ်ရေးဦးစီးဌာန၊ မြိုန့ယ်စားသုံးသူရေးရာဦးစီးဌာန၊ မြို့နယ် စစစ၊ မြို့နယ်ရဲတပ်ဖွဲ့တို့ ပူးပေါင်း စစ်ဆေးခဲ့ပြီး ပြည်ပသို့ တင်ပို့ရန် ဆန်နှင့် ဆန်ကွဲ သိုလှောင်ထားသော သိုလှောင်ရုံများအား အမှန်တကယ် ဆောင်ရွက်ချိန်မှာ လုပ်ဆောင် ထားရှိမှု အခြေအနေများကို လစဉ် ကွင်းဆင်းစစ်ဆေးဆောင်ရွက်ခဲ့ကြောင်း နှင့် စစ်ဆေးခဲ့သော သိုလှောင်ရုံများမှာ ရွှေဝါနဒီ ဦးလူမော်မြင့်မောင်၏ သိုလှောင်ရုံ ဆန်အိတ် ၂၂၉၂၅ ရှိကြောင်း၊ သိုလှောင်ရုံ(၆)ဦးရှိကြောင်းနှင့် ၎င်သိုလှောင်ရုံများမှ စုစုပေါင်း စပါး ၂၈၀၄၁၁တင်း၊ ဆန် ၁၇၆၂၀၅ အိတ်ရှိကြောင်း၊ အောင်နိုင်သစ္စာ ဦးအောင်ဇော်လတ် ဆန်အိတ် ၂၁၄၅၆အိတ်နှင့် ပါရမီ ဦးကျော်ထွေး စပါး ၅၀၀တင်းနှင့် ရွှေဝါဦး ဦးသိန်းနိုင်ဦး စပါး ၂၃၀၆ တင်း ရှိကြောင်း စစ်ဆေးခင်ကာလက သိုလှောင်ထားရှိကြောင်း ကွင်းဆင်းစစ်ဆေးခြင်းအရသိရှိရပြီး အခြားသော ဆန်စက်၊ သိုလှောင်ရုံများကိုပါ လစဉ် စစ်ဆေးသွားမည်ဖြစ်ကြောင်း သိရ သည်။
DOCA(ဧရာဝတီ)