စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ခရိုင်ဦးစီးမှူးဦးလှစိုးပါ (၃)ဦးတို့သည် (၂၅.၁၁.၂၀၂၅)ရက်နေ့ ညနေ(၁၆:၂၀)အချိန်တွင် အမှတ်(၂၇)၊ ဦးထွန်းညိုလမ်း၊ စက်မှုဇုန် (၁)၊ လှိုင်သာယာမြို့နယ်ရှိ စားအုန်းဆီဘူးသွင်းထုတ်လုပ်သည့်စက်ရုံသို့ ကွင်းဆင်းစစ်ဆေးခြင်း လုပ်ငန်းများ ဆောင်ရွက်ခဲ့ပါသည်။
ထိုသို့ဆောင်ရွက်ခဲ့ရာတွင် Myat Ay Kan Co.,Ltd မှ ထုတ်လုပ်မှုတာဝန်ခံ ဒေါ်မေအိမ့်သူမှ မိမိတို့စက်ရုံသည် ယခုအခါတွင် IV-62 အရည်အသွေးရှိအဆင့်မြင့်စားအုန်းဆီကို “ရွှေမြတ်” အမည်ဖြင့် ဆိုဒ်မျိုးစုံဖြင့် ထုတ်လုပ်ရောင်းချမည်ဖြစ်ကြောင်း ဌာနဆိုင်ရာအလိုက် ထောက်ခံချက်များအနေဖြင့် (၂၉.၈.၂၀၂၅)ရက်နေ့တွင် မြန်မာ့ကုန်ပစ္စည်း စစ်ဆေးရေးနှင့် အရည်အသွေးစမ်းသပ်မှု ကုမ္ပဏီ(MITS)မှ စမ်းသပ်စစ်ဆေးချက်ရရှိကာ အစားအသောက်နှင့် ဆေးဝါးကွပ်ကဲမှု ဦးစီးဌာန (FDA) ထောက်ခံချက်လည်းရရှိပြီးဖြစ်ကြောင်း ကွင်းဆင်းစစ်ဆေးချက်အရ သိရှိရပါသည်။
DOCA (ရန်ကုန်)