ပြည်ခရိုင်အနေဖြင့် မိုးစပါးစိုက်ဧက (၂)သိန်းကျော်စိုက်ပျိုးပြီး၊ ဧက (၃)သောင်းကျော် ရိတ်သိမ်းပြီး ဖြစ်ပါသည်။ ပြည်ခရိုင်တွင် ဈေးကောင်းရပြီး အရောင်းသွက်နေသော မှော်ဘီ၊ ကျောက်ရွေး၊ အင်းမစပါးများ ထွက်ရှိမှုမရှိသေးဘဲ စပါးအရင်ဖြစ်သော မိုးစပါးအသစ်မှာ ပြည်၊ ပေါက်ခေါင်းနှင့် ပန်းတောင်းမြို့နယ်များတွင်သာ ထွက်ရှိနေပြီး မိုးစပါးသစ်ဈေးနှုန်းမှာ (၄၆)ပေါင် တင်း(၁၀၀)လျှင် ယခင်လက ၁၀၀၀၀၀၀ကျပ် ဈေးရှိခဲ့ပြီး ယခု နိုဝင်ဘာလဆန်းတွင် ၁၀၅၀၀၀၀ကျပ်ဖြင့် တင်း၁၀၀လျှင် ၅၀၀၀၀ကျပ် ဈေးမြင့်တက်လာခဲ့ပါသည်။ ဆန်ဈေးမှာ ဆန်သစ်တစ်အိတ်လျှင် ၃၉၀၀၀-၄၀၀၀၀ကျပ်ဖြင့် အရောင်းအဝယ်ဖြစ်လျက်ရှိပါတယ်။ စပါးဈေးမှာ ယခင်နှစ် စပါးပေါ်စတွင် တင်း၁၀၀လျှင် ၆၀၀၀၀၀ကျပ်သာရှိပြီး ယခုနှစ်တွင် ၁၀၅၀၀၀၀ကျပ် ဈေးထိ ဈေးမြင့်တက်လာခဲ့ပါတယ်။ ထိုသို့ဈေးနှုန်းများမြင့်တက်လာရခြင်းမှာ သွင်းအားစုစရိတ်များ မြင့်တက်ခြင်း၊ စိုက်ပျိုးစရိတ်များမြင့်တက်လာခြင်းတို့ကြောင့် စပါးဈေးမှာ ယခင်နှစ်ကထက် ဈေးမြင့်လာရခြင်းဖြစ်ကြောင်း သိရှိရပါသည်။
DOCA(ပဲခူး)