ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့တွင် ရောင်းချနေသော ဆေးနှင့် ဆေးပစ္စည်းများ၌ ပုံစံတူစံမမီဆေးဝါးများ ရောင်းချမှု ရှိ/မရှိ ကုန်အညွှန်းအမှတ်အသားပါဝင်ခြင်း ရှိ/ မရှိ၊ ဆေးဈေးနှုန်းကြီးမြင့်ခြင်း ရှိ/မရှိအား (၂၅.၁၁.၂၀၂၅)ရက်နေ့ နံနက် (၁၀း၀၀)နာရီအချိန်တွင် ဈေးကွက်စောင့်ကြည့် စစ်ဆေးခဲ့ကြောင်း သိရသည်။
ထိုသို့ စစ်ဆေးရာတွင် မအူပင်ခရိုင်စားသုံးသူရေးရာဦးစီးဌာန၊ ဒု-ခရိုင်ဦးစီးမှူး ဦးအောင်ဇော်ဦး ဦးဆောင်မှုဖြင့် ခရိုင်အထွေထွေအုပ်ချုပ်ရေးဦးစီးဌာန၊ မြို့နယ်ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့နှင့် မြန်မာနိုင်ငံရဲတပ်ဖွဲ့ဝင်များပါဝင်သော ပူးပေါင်းအဖွဲ့သည် ဆေးဆိုင်များတွင် ရောင်းချနေသော ဆေးဝါးများတွင် ဆေးဝါးမှတ်ပုံတင်၍ တင်သွင်းဖြန့်ဖြူးရောင်းချနေသော ဆေးဝါးများကိုရောင်းချရန်၊ ပုံစံတူစံမမီဆေးဝါးများနှင့် မှတ်ပုံတင်ထားခြင်းမရှိသော တရားမဝင်တင်သွင်းဆေးများအား ရောင်းချခြင်းမပြုကြရန်၊ ဆေးများသိုလှောင်ထားရှိမှု ရှိ/မရှိ၊ ဆေးဝါးပြတ်လပ်မှု ရှိ/မရှိ၊ မြို့နယ်အတွင်းဆေးနှင့်ပတ်သက်၍ ရောင်းချမှု ကုမ္ပဏီတိုက်ရိုက်ဝယ်မှု တဆင့်ခံဝယ်ယူမှု အခြေအနေများ၊ စားသုံးသူနှင့် သုံးစွဲသူပြည်သူများ ဘေးအန္တရာယ် ကင်းရှင်းစေရန်ရည်ရွယ်၍ စစ်ဆေးခဲ့ခြင်းဖြစ်ကြောင်း သိရသည်။
အဆိုပါ ပူးပေါင်းအဖွဲ့အနေဖြင့် ဈေးကွက်အတွင်းရှိ အရောင်းဆိုင်များအား မှတ်ပုံတင်ခြင်းမရှိသော ဆေးဝါးများ၊ သက်ဆိုင်ရာဌာနများမှ တားမြစ်ထားသော ဆေးဝါးများနှင့် သက်တမ်းလွန်ဆေးဝါးများ ရောင်းချမှုမရှိစေရေး၊ မြန်မာနိုင်ငံစားသုံးသူ ကာကွယ်ရေးကော်မရှင်၏ ၂/၂၀၁၉ ညွှန်ကြားချက်ပါ ဆေးဝါးနှင့် ဖြည့်စွက်စာများတွင် ဖော်ပြပါရှိရမည့် အချက်များနှင့် ကိုက်ညီမှုရှိစေရေး၊ စားသုံးသူကာကွယ်ရေးဥပဒေ (၂၀၁၉) အခန်း (၁၈) ပါ ကုန်အညွှန်းအမှတ်အသားဖော်ပြချက်နှင့် ကိုက်ညီမှုရှိသော ဆေးဝါးနှင့် ပစ္စည်းများကိုသာ ဖြန့်ဖြူးရောင်းချရန် အသိပညာပေးခြင်းများကိုပါ ဆောင်ရွက်ခဲ့ကြကြောင်း သိရှိရပါသည်။
DOCA(ဧရာဝတီ)