ပြည်ကုန်စည်ဒိုင်တွင် အရောင်းအဝယ်ဖြစ်လျက်ရှိသော ပဲဈေးများမှာ အောက်တိုဘာလကုန်ပိုင်းတွင် ကျဆင်းလျက်ရှိပါသည်။
ပြည်ကုန်စည်ဒိုင်တွင် အောက်တိုဘာလ တတိယပတ်တွင် မတ်ပဲတစ်တင်းကို ၆၂၀၀၀-၆၂၅၀၀ ကျပ်ဖြင့် တစ်ရက်ကိုအိတ် ၁၀၀/၂၀၀ ခန့် အဝယ်ရှိခဲ့ပါသည်။ အောက်တိုဘာလ နောက်ဆုံးပတ်တွင် မတ်ပဲတစ်တင်းကို ၅၇၅၀၀-၅၈၀၀၀ ကျပ်ဖြင့် တစ်ရက်ကိုအိတ် ၁၀၀/၁၅၀ခန့် ရန်ကုန်တင်ပို့မှု ရှိခဲ့ပါသည်။
ပြည်ကုန်စည်ဒိုင်တွင် အောက်တိုဘာလ တတိယပတ်တွင် ပဲတီစိမ်းအဝင်ရှိပြီး အိတ်၄၀၀/၅၀၀ ခန့် အဝင်ရှိကာ တစ်တင်းကို ၄၇၀၀၀ကျပ်ဖြင့် အရောင်းအဝယ်ရှိ၍ မန္တလေးနှင့် ရန်ကုန်သို့ တစ်ရက် ကိုအိတ် ၄၀၀/၅၀၀ခန့် တင်ပို့ပါသည်။ အောက်တိုဘာလ စတုတ္ထပတ်တွင် ပဲတီစိမ်းဈေး ကျလာပြီး ပဲတစ်တင်းကို ၄၄၀၀၀-၄၆၀၀၀ကျပ်ဖြင့် တစ်ရက်ကိုအိတ် ၄၀၀/၅၀၀ခန့် အဝယ်ရှိပါသည်။
ပြည်ကုန်စည်ဒိုင်တွင် အောက်တိုဘာလ တတိယပတ်တွင် ပဲစင်းငုံတစ်တင်းကို ၆၀၀၀၀-၆၁၀၀၀ကျပ်ဖြင့် တစ်ရက်ကိုအိတ် ၂၀၀/၃၀၀ခန့် အရောင်းအဝယ်ရှိပြီး ရန်ကုန်သို့တင်ပို့ပါသည်။ အောက်တိုဘာလ စတုတ္ထပတ်တွင် ပဲစင်းငုံတစ်တင်းကို ၆၁၀၀၀ကျပ်ဖြင့် ဈေးအေးနေပြီး ရန်ကုန် ဝယ်လက်အဝယ်ရှိခဲ့ပါသည်။
အောက်တိုဘာလတတိယပတ်တွင် ကုလားပဲ(HL)တစ်တင်းကို ၆၅၀၀၀-၆၆၀၀၀ကျပ်၊ ကုလားပဲ (မြကြေးမှုံ)တစ်တင်းကို ၆၅၀၀၀-၆၆၀၀၀ကျပ်ဖြင့် ခွဲစက်သမားများ မြို့တွင်းအဝယ်ရှိပြီး တစ်ရက်ကို အိတ် ၂၀၀/၃၀၀ခန့် အရောင်းအဝယ်ဖြစ်ပါသည်။ အောက်တိုဘာလနောက်ဆုံးပတ်တွင် ကုလားပဲ(HL) တစ်တင်းကို ၆၂၀၀၀-၆၃၀၀၀ကျပ်၊ ကုလားပဲ(မြကြေးမှုံ) တစ်တင်းကို ၆၂၀၀၀-၆၃၀၀၀ကျပ်ဖြင့် မြို့တွင်းနှင့် ရန်ကုန်အဝယ် တစ်ရက်ကိုအိတ် ၂၀၀/၃၀၀ခန့် အဝယ်ရှိပါသည်။
အောက်တိုဘာလတတိယပတ်တွင် ပဲကြီး(ရွှေကျွန်း)တစ်တင်းကို ၇၅၀၀၀-၇၆၀၀၀-၇၇၀၀၀ ကျပ်၊ ပဲကြီး(ကမ်းနား)တစ်တင်းကို ၇၁၀၀၀-၇၂၀၀၀ ကျပ်ဖြင့် မြို့တွင်းပဲကြော်သမားများ အဝယ်ရှိပြီး တစ်ရက်ကိုအိတ် ၂၅၀/၃၀၀ခန့် အဝယ်ရှိပါသည်။ အောက်တိုဘာလနောက်ဆုံးပတ်တွင် ပဲကြီးဈေးအေးနေပြီး ပဲကြီး(ရွှေကျွန်း)တစ်တင်းကို ၇၅၀၀၀-၇၆၀၀၀-၇၇၀၀၀ကျပ်ဖြင့် မြို့တွင်း အဝယ်ရှိခဲ့ပါသည်။
အောက်တိုဘာလ တတိယပတ်တွင် စားတော်ပဲ(ကျွန်း) တစ်တင်းကို ၁၁၅၀၀၀ကျပ်ဖြင့် မြို့တွင်း အဝယ်တစ်ရက်ကို အိတ် ၅၀ခန့်အဝယ်ရှိပြီး စတုတ္ထပတ်တွင် ဈေးကျပြီး စားတော်ပဲ (ကျွန်း)တစ်တင်းကို ၁၁၀၀၀၀ကျပ်ဖြင့် အဝယ်ရှိခဲ့ပါသည်။
အောက်တိုဘာလတတိယပတ်တွင် ဘိုကိတ်ပဲအသစ်နဲနဲအဝင်ပါးပြီး တစ်တင်းကို ၄၅၀၀၀ ကျပ်ဖြင့် မြို့တွင်းနှင့်နယ်စုံအဝယ်ရှိကာ တစ်ရက်ကိုအိတ် ၄၀ခန့်သာအဝယ်ရှိပါသည်။ အောက်တိုဘာလ စတုတ္ထပတ်တွင် ဘိုကိတ်ပဲတစ်တင်းကို ၄၁၀၀၀ကျပ်ဖြင့် မြို့တွင်း အဝယ်ရှိခဲ့ပါသည်။
DOCA(ပဲခူး)