![](http://www.doca.gov.mm/sites/default/files/styles/consumer_inner_image__847x424_/public/၁၀၁.jpg?itok=Fec5-7rm)
ပဲခူးတိုင်းဒေသကြီး၊ သာယာဝတီခရိုင်၊ ကြို့ပင်ကောက်မြို့နယ် စားသုံးသူရေးရာဦးစီးဌာန မြို့နယ်တာဝန်ခံ ဒေါ်ရီရီရှိန်နှင့်ဝန်ထမ်းများသည် နိုဝင်ဘာလ ၁၅.၁၁.၂၀၂၂ ရက်မှ ၁၆.၁၁.၂၀၂၂ ရက်တို့တွင် ကျေးလက်နေပြည်သူများ ဖွံ့ဖြိုးတိုးတက်စေရန် ရည်ရွယ်၍ ဖုန်းဆိုးကျေးရွာအုပ်စု ဖုန်းဆိုး ကျေးရွာ၊ ကျွန်းကုန်းကျေးရွာအုပ်စု၊ ကျွဲဘိကျေးရွာများတွင် ဌာနဆိုင်ရာပေါင်းစုံဝန်ထမ်းများမှ စုပေါင်း၍ စိုက်ပျိုးရေး၊ မွေးမြူရေး၊ ကုန်ထုတ်လုပ်ငန်းများဖွံ့ဖြိုးတိုးတက်ရေး သင်တန်းများ ကျင်းပပြုလုပ်ခဲ့ကြပါသည်။
ကျွန်းကုန်းကျေးရွာအုပ်စု၊ ကျွဲဘိကျေးရွာတွင် စားသုံးသူရေးရာဦးစီးဌာန မြို့နယ်တာဝန်ခံမှ စားသုံးသူရေးရာဦးစီးဌာန၏ လုပ်ငန်းဆောင်ရွက်နေမှုများ၊ စားသုံးသူကာကွယ်ရေးလုပ်ငန်းများ၊ ပြည်တွင်းကုန်သွယ်မှု ဖွံ့ဖြိုးတိုးတက်စေရန်ရည်ရွယ်ပြီး MSME လုပ်ငန်းများဖြစ်သော ကျေးရွာတစ်ရွာ ထုတ်ကုန်တစ်မျိုး ( ဥပမာ-အစားအသောက်၊ လက်မှုလုပ်ငန်းများ ) အကြောင်းနှင့် ဆီထွက်သီးနှံတစ်မျိုးဖြစ်သော နေကြာသီးနှံကိုလည်း ဈေးကွက်ဝင်သီးနှံဖြစ်အောင် တိုးချဲ့ စိုက်ပျိုးသင့်ကြောင်း တောင်သူ (၇၀ )ဦး အား အသိပညာပေးဆွေးနွေးခဲ့ပါသည်။
ဖုန်းဆိုးအုပ်စု၊ ဖုန်းဆိုးကျေးရွာဘုန်းကြီးကျောင်းပေါ်တွင် ပညာသင်ကြားနေသော ဆရာ၊ ဆရာမ(၃) ဦး၊ ကျောင်းသား/ကျောင်းသူ ( ၃၂ ) ဦးတို့ကိုလည်း စားသုံးရန်မသင့်သော အစားအစာများအကြောင်း၊ အစားအသောက်ဝယ်ယူသုံးစွဲရာတွင် မြန်မာဘာသာပါရှိပြီး ကုန်အညွှန်းအမှတ် အသားများ ပြည့်စုံစွာပါရှိမှသာ ဝယ်ယူသုံးစွဲကြရန် အသိပညာပေး ကွင်းဆင်းဟောပြောခဲ့ပါသည်။
DOCA(ပဲခူး)