Diamond Dragon Co.,Ltd ၏ တောင်ငူမြို့ ကိုယ်စားလှယ်ဖြစ်သော အောင်စားသုံးဆီအရောင်းဆိုင်သည် တောင်ငူခရိုင်အတွင်းမှ အခြေခံလူတန်းစားများအပြင် ဌာနဆိုင်ရာဝန်ထမ်းများပါ စားသုံးဆီများအား သက်သာသောနှုန်းဈေးနှုန်းဖြင့် ဝယ်ယူရရှိနိုင်ရေးအတွက် Yerthetpan အမှတ်တံဆိပ် အဆင့်မြင့်စားအုန်းဆီ(အလေးချိန် ၅၀ ကျပ်သားဘူး)များကို ရောင်းချပေးလျက်ရှိပါသည်။
နိုဝင်ဘာလ ၁၄ ရက်နေ့တွင် တောင်ငူမြို့ ဘုရင့်နောင်ဈေး၌လည်းကောင်း၊ နိုဝင်ဘာလ ၁၅ ရက်နေ့တွင် တောင်ငူမြို့ အမှတ် ၈ ရပ်ကွက် ကမ်းနားလမ်း၌လည်းကောင်း အခြေခံလူတန်းစားများသို့ Yerthetpan အမှတ်တံဆိပ် အဆင့်မြင့်စားအုန်းဆီများအား တစ်ပိဿာလျှင် ၆၀၀၀ ကျပ်နှုန်းကို မော်တော်ယာဉ်ဖြင့် လှည့်လည်ရောင်းချပေးလျက်ရှိပါသည်။
Diamond Dragon Co.,Ltd သည် တောင်ငူခရိုင်အတွင်း Yerthetpan အမှတ်တံဆိပ် အဆင့်မြင့်စားအုန်းဆီ(အလေးချိန် ၅၀ ကျပ်သားဘူး)များကို သက်သာသောဈေးနှုန်းဖြင့် ရောင်းချပေးလျက်ရှိရာ နိုဝင်ဘာလ ဒုတိယပတ်အထိ အဆင့်မြင့်စားအုန်းဆီ ၃၉၂၉၂ ပိဿာ (၆၄.၁၈ တန်) ရောင်းချပေးခဲ့ပြီးကြောင်း သိရှိိရပါသည်။
DOCA(ပဲခူး)