တောင်ငူခရိုင်၊ ဖြူးမြို့နယ်၊ ဒိုင်းတရာ(၁) အခြေခံပညာမူလတန်းလွန်ကျောင်းမှ ကျောင်းသား၊ ကျောင်းသူများအား သိသင့်သိထိုက်သည့် အသိပညာဗဟုသုတများရရှိစေရန် ရည်ရွယ်၍ စားသုံးသူရေးရာဦးစီးဌာနနှင့် ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့ ပူးပေါင်း၍ အသိပညာပေး ဟောပြောပွဲကို (၉-၁၂-၂၀၂၅) ရက်နေ့ နံနက်(၁၀)နာရီအချိန်ခန့်တွင် ယင်းကျောင်း၌ ကျင်းပ ပြုလုပ်ခဲ့ပါသည်။
ဟောပြောပွဲကို စားသုံးသူရေးရာဦးစီးဌာန၊ တောင်ငူခရိုင်၊ ဖြူးမြို့နယ်တာဝန်ခံ ဒေါ်သန္တာစိုး၊ ဒုတိယဦးစီးမှူးက စားသုံးသူအခွင့်အရေးနှင့် တာဝန်များအကြောင်း ကုန်စည်နှင့်ဝန်ဆောင်မှုများကို သုံးစွဲရာတွင် စားသုံးသူများ နစ်နာဆုံးရှုံးမှုမျာ မဖြစ်ပေါ်စေရန်နှင့် စားသုံးသူနစ်နာဆုံးရှုံးမှုများ ဖြစ်ပေါ်ပါက တိုင်ကြားနိုင်ခြင်း၊ ကုန်စည်များဝယ်ယူရာတွင် ကုန်အညွှန်းအမှတ်အသားများကို ဦးစားပေး ဖတ်သင့်ကြောင်း သတိပြုရမည့်အချက်များကို အသိပညာပေးပြောခဲ့ပါသည်။
ထိုဟောပြောပွဲ၌ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်ဦးစီးမှူး ဒေါ်အိမာဟိန်းက ကလေးအလုပ်သမားပပျောက်ရေးမရှိစေရန် ကာကွယ်ရမည့်အကြောင်း ကျောင်းသား/ ကျောင်းသူများအား ရှင်းလင်းပြောကြားခဲ့ပြီး ဒေါ်နွယ်နွယ်အေးမှ ကလေးများကို သိမှတ်စရာပုံပြင်များအား ဖတ်ရှု့ပြသခဲ့ကြောင်းနှင့် ဟောပြောပွဲသို့ ကျောင်းသား/ကျောင်းသူ (၁၁၀) ဦး တက်ရောက်ခဲ့ကြောင်းလည်း သိရှိရပါသည်။
DOCA(ပဲခူး)