“ချည်မျှင်ရှည်ဝါများစတင်ထွက်ရှိ”

       ကျောက်ဆည်ခရိုင်အတွင်းမိုးကြိုဝါစိုက်ဧက(၁၈၉၇)ဧက၊ မိုး(ဝါ)စိုက်ဧက(၅၃၂၅)ဧက နှင့် ့်မိုးနှောင်းဝါစိုက်ဧက(၂၃၃၂၇)ဧက စိုက်ပျိုးထားရှိပြီး အများဆုံး စိုက်ပျိုးသောမြို့နယ်မှာ မြစ်သား မြို့နယ်ဖြစ်ပြီး မိုး/မိုးကြို(ဝါ)စိုက်ဧက(၁၇၈၆) နှင့် မိုးနှောင်း ချည်မျှင်ရှည်ဝါ(၅၀၈၀)ဧကစိုက်ပျိုး ထားရှိပါသည်။ အများဆုံးစိုက်ပျိုးသောရွာများမှာ ဒိုင်းရွာ၊ မြနဒီရွာ၊ ခင်လည်ရွာ၊ ကျီတိုင်ရွာနှင့်လွန်ကျော်များတွင်ဝါသီးနှံကိုအဓိကစိုက်ပျိုးသောရွာများဖြစ်ကြောင်း၊ အများအား ဖြင့်ငွေချည်(၆)၊ငွေချည်(၉)၊ရွှေတောင်(၈)၊ ရွှေတောင်(၁၀)မျိုးများကိုအများဆုံးစိုက်ပျိုးကြပါသည်။ စတင်စိုက်ပျိုးချိန်မှ ပန်းပွင့်ပြီးရက်(၅၀-၆၀) ကြားတွင် ဝါပေါက် များ စတင်ကောက်ယူရပါသည်။ ဝါပေါက်ရန်အတွက် မျိုးပေါ်မူတည်၍ဝါပေါက်ကြာနိုင်ကြောင်း ၊ရင့်မှည့်ပြီးသီးခွံခြောက်မှသာလျှင် ဝါကိုကောက်ပါက အရည်အသွေးကောင်းသော ဝါများရရှိမည်ဖြစ် ပြီးဝါပေါက်ခါစကို ကောက်ယူယူလျှင် အရည်အသွေးညံ့နိုင်သည်။တောင်သူများမှဝါကိုစနစ်တကျ ကောက်ယူရန် လိုအပ်ပါသည်။မျိုးကောင်းမျိုးသန့်များလည်းရွေးချယ်စိုက်ပျိုးရန်လို အပ်ပါသည်။ ယခင်နှစ်ဝါ ဈေးနှုန်းမှာ တစ်ပိသာလျှင်(၂၅၀ဝိ/-)ကျပ်၊ ဝါဂွမ်းရိုးရိုး တစ်ပိသာလျှင် (၅၀၀ဝိ/-)ကျပ်၊ ပါမစ်ဂွမ်းတစ်ပိသာလျှင်(၅၈၀ဝိ/-)ကျပ်၊ဝါစေ့တစ်ပိသာလျှင်(၆၀ဝိ/-)ကျပ်တို့ဖြစ်ပြီး ယခုနှစ် ဝါတစ်ပိသာလျှင်(၂၆၅ဝိ/-၂၇၀ဝိ/-)ကျပ်၊ ဝါဂွမ်းရိုးရိုးတစ်ပိသာလျှင်(၆၄၀ဝိ/-)ကျပ်၊ပါမစ်ဂွမ်းတစ်ပိသာလျှင်(၇၀၀ဝိ/-)ကျပ်၊ ဝါစေ့တစ်ပိသာလျှင် (၁၀၀ဝိ/-) ကျပ် အထိရရှိကြောင်း၊ မြန်မာ့ရေမြေ သဘာဝနှင့်ကိုက်ညီသောမျိုးများလည်း လိုအပ်လျှက်ရှိကြောင်း ဝါစိုက်တောင် သူတစ်ဦး၏ ပြောကြားချက် အရသိရှိရပါသည်။

DOCA(မန္တလေး)