ပြည်ခရိုင်တွင် မိုးစပါးဧက ၂ သိန်းကျော်စိုက်ပျိုးပြီး ဧက (၅) သောင်းကျော် ရိတ်သိမ်းပြီးကြောင်း သိရှိရပါသည်။
ဈေးကောင်းရသော မှော်ဘီ၊ ကျောက်ရွေး၊ အင်းမစပါးများ ထွက်ပေါ်မှုမရှိသေးဘဲ ဧည့်မထစပါးအုပ်စုများသာ ထွက်ရှိပါသည်။ မိုးစပါးသစ် (၄၆) ပေါင် တင်း (၁၀၀) လျှင် ယခင်အောက်တိုဘာလက ၁၀၅၀၀၀၀ ကျပ်၊ ယခုနိုဝင်ဘာလတွင် ၁၀၉၀၀၀၀ ကျပ်ဖြင့် တင်း ၁၀၀ ကို ၄၀၀၀၀ ကျပ် ခန့် ဈေးမြင့်တက်ခဲ့ပါသည်။ ဆန်အသစ်ဈေးမှာ တစ်အိတ်လျှင် ၃၉၀၀၀-၄၀၀၀၀ ကျပ်ဖြင့် အရောင်းအဝယ်ဖြစ်လျက်ရှိပါသည်။ စပါးဈေးမှာ ယခင်နှစ်က စပါးပေါ်စတွင် တင် း၁၀၀ လျှင် ၆၀၀၀၀၀ ကျပ်သာရှိပြီး၊ ယခုနှစ်တွင် ၁၀၉၀၀၀၀ ကျပ်အထိ ဈေးမြင့်လာခဲ့ပါသည်။ ယခုလိုဈေးများမြင့်တက်လာခြင်းမှာ သွင်းအားစုဖြစ်သောဓါတ်မြေဩဇာဈေးများ မြင့်တက်လာသော်လည်း တောင်သူအနေဖြင့် တွက်ချေကိုက်မှုရှိကြောင်း သိရှိရပါသည်။
DOCA(ပဲခူး)