ပဲခူးတိုင်းဒေသကြီး၊ ပဲခူးမြို့နယ်၊ ရွာသစ်ကိုင်းတာကျေးရွာတွင် သံရည်ကျို၍ ပုံလောင်းခြင်းလုပ်ငန်း လုပ်ကိုင်လျက်ရှိပါသည်။ ကုန်ကြမ်းကို သံကျွတ်၊ ကားအင်ဂျင်ဟောင်း၊ သံထည်ဟောင်းများကို အသုံးပြုပြီး တစ်နေ့လျှင် နန်းဆွဲနှစ်တန်ထုတ်လုပ်လျက်ရှိကာ တစ်လကို ပျှမ်းမျှအားဖြင့် ရက် (၂၀) ခန့် ထုတ်လုပ်လျက်ရှိကြောင်း သိရှိရပါသည်။ လုပ်သားအရေအတွက်အားဖြင့် (၉၅) ဦးခန့် အသုံးပြုပြီး လုပ်ငန်းကိုလုပ်ကိုင်ဆောင်ရွက်လျက်ရှိကြောင်း သိရှိရပါသည်။ သံရည်ကိုကျိုလောင်း၍ ပုံလောင်းထုတ်ကုန်များထုတ်လုပ်ရာတွင် လက်မ ၃၀ အမြင့် ၅ ပေရှိသော ပေါင်းဆွဲလေမှုတ်စက်ဖြင့် မောင်းခြင်း၊ မီးမွှေးလောင်စာထည့်ခြင်းများပြုလုပ်ရာတွင် သဲပိဿာချိန် (၇၀)၊ လောင်စာ (၁၅) ပိဿာ၊ ထုံးကျောက် (၅) ပိဿာ ၊ တစ်နေ့လျှင် တန်ချိန် (၆) တန်ခွဲ၍ အရည်ကျိုပြီး ပုံစံခွက်မျိုးစုံဖြင့်ပုံလောင်း၍ ထုတ်လုပ်လျက်ရှိပါသည်။ တစ်နေ့ လုပ်သားတစ်ဦးလျှင် ၁၀၀၀ဝ-၁၅၀၀၀ ကျပ်ခန့် ပေးချေရပြီး တစ်ပိဿာလျှင် ၅၀ ကျပ်မှ ၁၀၀ ကျပ်နှုန်းထိ အကျိုးအမြတ်ရရှိကြောင်း သိရှိရပါသည်။ လက်ရှိလုပ်ငန်းမှာ လုပ်သား (၉၅) ဦးဖြင့် နေ့စဉ် လည်ပတ်လျက်ရှိပြီး ရန်ကုန်၊ မန္တလေး၊ မြစ်ကြီးနား၊ ကော့သောင်းနှင့် နီးစပ်ရာမြို့များသို့ ရောင်းချကြောင်း သိရှိရပါသည်။ သံရည်ကျို၍ ပုံလောင်းထုတ်လုပ်ရေးလုပ်ငန်းသည် လုပ်ငန်းတို့းချဲ့၍ အဆင့်မြင့်နည်းပညာများအသုံးပြု၍ ထုတ်လုပ်ပါက လုပ်ငန်းရှင်အတွက်လည်း တွက်ခြေကိုက်သည့် လုပ်ငန်းတစ်ခုဖြစ်သည့်အပြင် ဒေသတွင်း စီးပွားရေးလည်း ဖွံ့ဖြိုးတိုးတက်လာမည်ဖြစ်ကြောင်း တင်ပြလိုက်ရပါသည်။
DOCA(ပဲခူး)