မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့နယ် လက်ကားကုန်စည်ဒိုင်တွင် ကြက်သွန်နီ စိုက်ပျိုးရာဒေသ နေရာအနှံ့အပြားနှင့် ဆင်ဖြူကျွန်း၊ စလင်း၊ ပေါက်ဒေသများမှဝင်ရောက်လျက်ရှိသော ကြက်သွန်နီ ဆောင်းစိုက်၊ ပင်စိုက်များ နေ့စဉ်အရောင်းအဝယ်ဖြစ်နေပါသည်။ နိုဝင်ဘာလ (ဒုတိယ)ပတ်အတွင်း ကြက်သွန်နီ လက်ကားကုန်စည်ဒိုင်ပြတ်ဈေးမှာ အမြင့်ဆုံးဈေး(၁)ပိဿာ ထိပ်စ ကျပ်(၃၇၅၀)၊ အလတ်စ ကျပ် (၃၅၀၀)၊ အနိမ့်စကျပ်(၃၁၀၀)ဈေးနှုန်းဖြင့် အရောင်းအဝယ်ဖြစ်ပြီး ဈေးနှုန်းအနေဖြင့် ယခင်တစ်ပတ်နှင့် နှိုင်းယှဉ်မည်ဆိုလျှင် ယခုတစ်ပတ်တွင် ကြက်သွန်နီ (၁)ပိဿာ ပျမ်းမျှ ကျပ်(၅၀)ခန့် ဈေးနှုန်းမြင့်တက်ပြီး အရောင်းအဝယ်ဖြစ်ပါသည်။
ဆိပ်ဖြူမြို့ ပတ္တမြားဈေးနှင့်ကုန်စုံဆိုင်ကြီးများတွင် ကြက်သွန်နီ လက်လီရောင်းချသည့် ဈေး နှုန်းမှာ ကြက်သွန်နီ(ဥ)အကြီး၊ အသေး၊ အလတ်၊ အရွယ်အစား၊ အရည်အသွေးလိုက်၍ ထိပ်စ(၁)ပိဿာလျှင် ကျပ်(၄၂၀၀)၊ အလတ်စ ကျပ်(၃၉၀၀)၊ အသေးစ ကျပ်(၃၅၀၀)ဖြင့် ရောင်းချနေကြောင်း ဝယ်ယူသုံးစွဲသူစားသုံးသူများထံမှ သိရှိရပါသည်။ နိုဝင်ဘာ(ဒုတိယ)ပတ်အတွင်း တင်ပို့မှုအနေဖြင့် ရန်ကုန်၊ ဘုရင့်နောင်ပွဲရုံ၊ ပြည်၊ ပုသိမ်မြို့၊ မြဝတီ၊ စစ်တွေ၊ မော်လမြိုင်မြို့များသို့ နေ့စဉ်တင်ပို့ အရောင်းအဝယ်ဖြစ်ပြီး တစ်ပတ်အတွင်း ကုန်ချိန်(၆)သိန်း၊ ၃၀ ပိဿာဝင်ဆန့် အိတ်(၂)သောင်း၊ ကုန်ချိန်(၃)သောင်းခွဲခန့် ကုန်စည်စီးဆင်းလျက်ရှိကြောင်း ကုန်စည်ဒိုင်အသင်းဝင် တစ်ဦးထံမှ သိရှိရ ါသည်။
DOCA(မကွေး)