စစ်ကိုင်းတိုင်းဒေသကြီး၊ မုံရွာမြို့နယ်အတွင်း အခြေခံစားကုန်စားဖိုဆောင်သီးနှံတစ်မျိုး ဖြစ်သည့် ကြက်သွန်နီများ ယခုတစ်ပတ်အတွင်း ဈေးနှုန်းများဆက်လက်မြင့်တက်ပြီး အရောင်း အဝယ် ဖြစ်လျက်ရှိကြောင်းသိရသည်။ ယခုလက်ရှိအချိန်တွင် ကြက်သွန်နီ ပွဲရုံလက်ကားဈေး တစ်ပိဿာလျှင်(သေး/လတ်/ကြီး)ကျပ် ၄၀၀၀-၄၅၀၀-၅၀၀၀ နှုန်းတို့ရှိပြီး လက်လီဈေးမှာ သေး/လတ်/ကြီး တစ်ပိဿာလျှင် ကျပ် ၄၅၀၀-၅၀၀၀-၅၂၀၀ နှုန်းတို့ဖြင့် အရောင်းအဝယ်ဖြစ်လျက် ရှိကြောင်းသိရသည်။ ကြက်သွန်နီကို မုံရွာမြို့နယ်အတွင်းရှိ ကျွဲရဲ၊ မြေနဲ၊ ရွာတုံ၊ တောင်ပလူကျေးရွာများတွင် အများဆုံးစိုက်ပျိုးကြပြီး မုံရွာမြို့နယ်အနေဖြင့် တစ်နှစ်လျှင် ပျမ်းမျှဧက(၁၂၀၀၀)ခန့် စိုက်ပျိုးလျက်ရှိပြီး ထွက်ရှိသော ကြက်သွန်နီများကို မန္တလေး၊ ရန်ကုန်မြို့ များနှင့် မြို့တွင်းပွဲရုံများသို့ တင်ပို့ရောင်းချကြကြောင်း သိရသည်။
DOCA(စစ်ကိုင်း)