၂၀၂၅ ခုနှစ်၊ ဒီဇင်ဘာလ တတိယပတ်တွင် လားရှိုးဒေသထွက် မုန်လာပင်ပေါက်နှင့် မုန်လာဥဖြူများ ဈေးကောင်းရလျက်ရှိကြောင်း သိရသည်။ မုန်လာဥကို ချဉ်ရည်ဟင်းချက်စားကြသလို မုန်လာဥပိုးတီချဉ်၊ မုန်လာဥသုပ်၊ မုန်လာဥချဉ်ဖက်စသည်ဖြင့် မျိုးစုံပြုလုပ်စားသုံးကြပါသည်။ မုန်လာဥဖြူတွင်ပါရှိသော ဗီတာမင်အေ၊ ဗီတာမင်စီနှင့် ဗီတာမင်ကေဓာတ်များက ခန္ဓာကိုယ်အရေပြား ပျက်စီးခြင်းမှ ကာကွယ်ပေးနိုင်ပါသည်။ မုန်လာဥဖြူဈေးနှုန်းမှာ မုန်လာဥဖြူအစည်း အကြီးအသေး ပေါ်မူတည်၍ တစ်စည်းလျှင် (၁၅၀၀ - ၂၀၀၀) ကျပ်နှုန်းခန့်ဖြင့် အရောင်းအဝယ် ဖြစ်လျက် ရှိကြောင်းသိရှိရသည်။
ဒေသထွက်ဖြစ်သည့်အတွက် တောင်သူများမှလည်း တစ်ဖက်တစ်လမ်းမှ ဝင်ငွေရရှိကြောင်း၊ လတ်တလော ရှမ်းပြည်နယ်မြောက်ပိုင်းတွင် ဖြစ်ပေါ်နေသော နိုင်ငံရေးအခြေအနေများကြောင့် ဒေသအတွင်း ကုန်စည်တင်သွင်းအရောင်းအဝယ်အခက်ခဲရှိသော်လည်း ယခုလို ဒေသထွက် များရှိသည့်အတွက် ဒေသနေစားသုံးသူပြည်သူများအတွက် များစွာအဆင်ပြေကြောင်း ကုန်စိမ်းရောင်းချသူများထံမှ သိရှိရပါသည်။
DOCA(ရှမ်း)