“ပြင်ဦးလွင်ထောပတ်သီးစျေးကွက်”

          ပြင်ဦးလွင်မြို့နယ်သည် တောင်ပေါ်ဒေသဖြစ်သည်နှင့်အညီ ရာသီသီးနှံ၊သစ်သီးများမှာလည်း ထွက်ရှိလာပြီဖြစ်ပါသည်။ရာသီသီးနှံများထဲမှ နှစ်ရှည်သီးနှံဖြစ်သော ထောပတ်သီး စိုက်ဧက(၁၉၄) ဧကမှာလည်း အောက်တိုဘာလလယ်မှ စတင်ကာထွက်ပေါ်ခဲ့ပြီး ယခုနိုဝင်ဘာလတွင် စျေးကွက်အတွင်းသို့လှိုင်လှိုင်ထွက်ပေါ်လာခဲ့ပြီးဖြစ်ပါသည်။ထောပတ်သီးနှံကို ဒေသမျိုး ၊မြောက်ကျွန်းသူမျိုး အများစုစိုက်ပျိုးပြီး နိုင်ငံခြားမျိုးများအဖြစ် Hass ၊ Vecconeer မျိုးများကိုလည်း အနည်းစုစတင် စိုက်ပျိုးလာပြီဖြစ်ပါသည်။

          လက်ရှိစျေးကွက်အတွင်း အရောင်းအဝယ်ဖြစ်သည့် စျေးနှုန်းများအနေဖြင့် Hass (၄-၅)လုံးပါ 1Kg လျှင်(၅၀၀၀/-)ကျပ်၊(၆-၈)လုံးပါ 1Kg လျှင် (၄၅၀၀/-)ကျပ်၊(၁၀)လုံးပါ 1Kg လျှင်(၃၀၀၀/-)ကျပ်၊ Vecconeer (၂-၄)လုံးပါ 1Kg လျှင်(၃၅၀၀/-)ကျပ်၊(၅-၆)လုံးပါ 1Kg လျှင်(၃၀၀၀/-)ကျပ်၊ မြန်မာမျိုး မြောက်ကျွန်းသူ(၂-၃)လုံးပါ 1Kg လျှင် (၃၅၀၀/-)ကျပ်၊(၄-၅)လုံးပါ 1Kg လျှင်(၃၀၀၀/-)ကျပ်၊ဒေသထွက်မျိုး တစ်လုံးလျှင်(၂၀၀-၅၀၀)ကျပ် စျေးဖြင့်အရောင်းအဝယ်ရှိ နေကြောင်း သိရှိရပြီး ဒီဇင်ဘာ၊ ဇန်နဝါရီလဆန်းအထိ အရောင်းအဝယ် ကောင်းနေမည် ဖြစ်ပါကြောင်း ထောပတ်သီးစိုက် တောင်သူများထံမှသိရှိရပါသည်။

DOCA(မန္တလေး)