စစ်ကိုင်းတိုင်းဒေသကြီး၊ ကန့်ဘလူမြို့နယ်၌ ပဲတီစိမ်းစိုက်ဧက ရှစ်သောင်းကျော်စိုက်ပျိုးရိတ် သိမ်းခဲ့ရာ ညောင်ပင်ကြီးကျေးရွာအုပ်စု၊ ညောင်ပင်ကြီးကျေးရွာတွင် စပါး၊ နှမ်း၊ ပဲမျိုးစုံသီးနှံနှင့် စားဖိုဆောင်သီးနှံများကို စိုက်ပျိုးလျက်ရှိပြီး ပဲတီစိမ်းစိုက်ဧက ၃၀ ဧက စိုက်ပျိုးထားရှိရာ ဇွန်လတွင် စိုက်ပျိုး၍ စက်တင်ဘာလတွင် ခူးဆွတ်ရကြောင်း သိရသည်။
မျိုးအနေဖြင့် ရိုးရိုးအလုံးသေးမျိုးနှင့် ထွက်တိုးမျိုးတို့ကို စိုက်ပျိုးကြောင်း၊ စိုက်ပျိုးထုတ်လုပ်မှု ကုန်ကျစရိတ်အနေဖြင့် မျိုး၊ မြေပြုပြင်ခ၊ သွင်းအားစု၊ ရိတ်သိမ်းခ၊ လုပ်သားခအပါအဝင် တစ်ဧက လျှင်စုစုပေါင်း ငွေကျပ် ၆ သိန်းခန့် ကုန်ကျကြောင်း၊ အထွက်နှုန်းအနေဖြင့် တစ်ဧကလျှင် ၁၅-၁၈ တင်းခန့်ထွက်ရှိရာ မြေအနေအထားနှင့် သီးနှံအထွက်နှုန်းအပေါ် မူတည်၍ အထွက်နှုန်းများကွာခြား မှုရှိကြောင်း၊ ဈေးနှုန်းအနေဖြင့် တစ်တင်းလျှင် ငွေကျပ် ၆၅၀၀၀-၇၀၀၀၀ ဖြင့်ရောင်းချရပြီး အကျိုး အမြတ်အနေဖြင့် တစ်ဧကလျှင်ငွေကျပ် ၆ သိန်းခန့်ရရှိကြောင်း၊ ပြည်တွင်းဈေးကွက်အနေဖြင့် ကန့်ဘလူမြို့ပေါ်ရှိ ပွဲရုံများသို့ ရောင်းချပြီး ပွဲရုံများမှတစ်ဆင့် မန္တလေးမြို့သို့ တင်ပို့ရောင်းချကြောင်း၊ ပြည်ပဈေးကွက်အနေဖြင့် မန္တလေးမြို့မှတစ်ဆင့် တရုတ်ဈေးကွက်သို့တင်ပို့ကြောင်း သိရသည်။
DOCA(စစ်ကိုင်း)