၅.၁.၂၀၂၆ မွန်းလွဲ(၁)နာရီ အချိန် စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန ၊ တိုင်းဒေသကြီးဦးစီးမှူးရုံး အစည်းအဝေးခန်းမတွင် စက်မှုလုပ်ငန်းသုံး စားသုံးဆီထုတ်ယူဖြန့်ဖြူး ကြီးကြပ်ရေးကော်မတီအဖွဲ့၊ဆီထုတ်ကိုယ်စားလှယ်များလုပ်ငန်းညှိနှိုင်းအစည်းအဝေးကျင်းပရာ စားသုံးဆီထုတ်လုပ်ဖြန့်ဖြူကြီးကြပ်ရေးကော်မတီနှင့် အဖွဲ့ဝင်(၇)ဦး၊ Inperson ဖြင့် တက် ရောက်သူ (၅၁)ဦး၊ Online ဖြင့် တက်ရောက်သူ (၁၇)ဦး စုစုပေါင်း( ၇၅ ) တက်ရောက်ခဲ့ ကြပါသည်။
အဆိုပါ အစည်းအဝေးတွင် စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးက စားသုံးဆီထုတ်ယူဖြန့်ဖြူးရောင်းချသော ကိုယ်စားလှယ်များ အနေဖြင့် အမှန်တကယ် ဖြန့်ဖြူးခြင်း၊ လုပ်ငန်းလိုအပ်ချက်အပေါ် လျှောက်လာသော လုပ်ငန်းရှင် များမှလည်း စက်မှုကြီး ကြပ်ထောက်ခံချက်၊ အသေးစား၏ထောက်ခံချက်၊ စည်ပင်ခွန် စသည့် အထောက်အထားများပါဝင်ပြည့်စုံစွာ လျှောက်ထားသူများအား ဦးစားပေးဆောင် ရွက်သွားမည် ဖြစ်ကြောင်း၊ ဝန်ကြီးချုပ်၏ လမ်းညွှန်ချက်အရ မြေပြင်တွင် ရောင်းချနေသော အကြော်ဆိုင်၊ လ္ဘက်ရည်ဆိုင်များကိုလည်း ဖြန့်ဖြူးရောင်းချပေးစေလိုကြောင်း၊ ၎င်းတို့မှ လျှောက်လာပါက နယ်မြေ အခြေအနေရ အနည်းဆုံးရပ်ကွက်လူကြီး၏ ထောက်ခံစာကို ယူ၍ လာရောက်လျှောက်ထားပါက အစဥ်ပြေအောင် ဆောင်ရွက်ပေးစေလိုပါကြောင်း၊ လုပ်ငန်းလို အပ်ချက်အရ လျှောက်ထားရာတွင် အမှန်လိုအပ်ပြီး လောဘမရှိစေရန် စည်းကမ်းစနစ်ကျစွာ မှတ်တမ်းများ ရေးသွင်း၍ ကော်မတီအဖွဲ့၏ ဆုံးဖြတ်ချက်နှင့်အညီ ဆောင်ရွက်သွားမည် ဖြစ်ကြောင်း တက်ရောက်လာသော ကိုယ်စားလှယ်များမှလည်း ပွင့်လင်းမြင်သာစွာ အကြံပြု ဆွေးနွေး တင်ပြစေလိုကြောင်း ရှင်းလင်းဆွေးနွေးခဲ့ပါသည်။
ဆက်လက်၍ ကော်မတီအဖွဲ့ဝင်များမှလည်း ဆီထုတ်ယူရောင်းချဖြန့်ဖြူးခြင်းအတွက် လိုအပ်သော အချက်အလက်အထောက်အထားများကို အမှန်ကန်ပြည့်စုံအောင် စိစစ် သွားမည်ဖြစ်ကြောင်းနှင့် Inperson / Online တက်ရောက်သူ ကိုယ်စားလှယ်များ၏ တင်ပြရှင်းလင်းချက်၊ ဆွေးနွေးအကြံပြုချက်များဖြင့် ရှေ့ဆက်လက်ကောင်းမွန်အောင် စက်မှုလုပ်ငန်းသုံးဆီလျှောက်ထားထုတ်ယူရောင်းချဖြန့်ဖြူးမှုများဆောင်ရွက်နိုင်ရေး လုပ်ငန်းညှိနှိုင်း အစည်း အဝေးကို ကျင်းပခဲ့ကြောင်း သတင်းရရှိပါသည်။
DOCA(စစ်ကိုင်း)