၃၀.၁.၂၀၂၆ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ ကျိုက်ထိုမြို့နယ် တာဝန်ခံသည် ကျိုက်ထိုမြို့နယ် အတွင်းရှိ အွန်လိုင်းဖြင့် အလှကုန်၊ အဝတ်အထည်နှင့် လက်ဝတ်ရတနာ ရောင်းချသည့် လုပ်ငန်းရှင် (၃) ဦးတို့အား စားသုံးသူရေးရာဦးစီးဌာန၊ မြို့နယ်တာဝန်ခံရုံးတွင် အသိပညာပေးပြောကြားခဲ့ကြောင်း သိရှိရပါသည်။
ထိုသို့ အသိပညာပေးရာတွင် ကျိုက်ထိုမြို့နယ်တာဝန်ခံမှ လုပ်ငန်းရှင် (၃) ဦးအား စားသုံးသူကာကွယ်ရေးဥပဒေတွင် ပါဝင်သော ကုန်အညွှန်းအမှတ်အသားနှင့် ပတ်သက်၍ ပါဝင်သောအချက်များ၊ အွန်လိုင်းရောင်းချခြင်းအတွက် အွန်လိုင်းမှတ်ပုံတင်ပြုလုပ် ကြရန်နှင့် အွန်လိုင်းမှတ်ပုံတင်မပြုလုပ်ရသေးသူများကိုလည်း အွန်လိုင်းမှတ်ပုံတင် ပြုလုပ် ပေးနိုင်ရေး စည်းရုံးဆောင်ရွက်ပေးစေလိုကြောင်း စသည့်အချက်များကို အသိပညာ ပေးခဲ့ကြောင်း သိရှိရပါသည်။
ထို့ပြင် အွန်လိုင်းစနစ်ဖြင့်ရောင်းချခြင်း (Online Sales) လုပ်ငန်းများ မှတ်ပုံတင်ခြင်း အတွက် အင်တာနက်ရရှိသည့် မည့်သည့်နေရာတွင်မဆို အွန်လိုင်းမှ လျှောက်ထား ထုတ်ယူနိုင်သော Ecom Reg စနစ်ကို ၂၀၂၃ခုနစ် အောက်တိုဘာလ (၂) ရက်နေ့တွင် စတင်အသုံးပြုနိုင်ပြီး မှတ်ပုံတင်ပြုလုပ်သည့်သူများသည် မှတ်ပုံတင်ပြုလုပ်ရာတွင် လိုအပ်သော စာရွက်စာတမ်းများ လိုအပ်သော စည်းကမ်းများအကြောင်း ထပ်လောင်း ရှင်းပြခဲ့ကြောင်း သိရှိရပါသည်။
DOCA (မွန်)