ဧရာဝတီတိုင်းဒေသကြီး၊ ဟင်္သာတခရိုင်တွင် မိုးစပါးရိတ်သိမ်းပြီးချိန်၌ သီးထပ်အဖြစ် ပဲမျိုးစုံကို စိုက်ပျိုးကြပြီး ပြည်ပပို့ကုန်တစ်မျိုးဖြစ်သော ဆောင်းသီးနှံမတ်ပဲကို အများဆုံး စိုက်ပျိုးကြပါသည်။ ၂၀၂၅-၂၀၂၆ ဘဏ္ဍာနှစ် သီးထပ်ရာသီတွင် မတ်ပဲစိုက်ဧက ၂၆၀၀၀၀ ကျော် စိုက်ပျိုးခဲ့ပါသည်။၂၀၂၅ ခုနှစ် အောက်တိုဘာလ ပထမ သီတင်းပတ်တွင်စတင် စိုက်ပျိုးသော မတ်ပဲသီးနှံများသည် ၂၀၂၆ ခုနှစ် ဇန်နဝါရီလ တတိယသီတင်းပတ်တွင် ဈေးကွက်ဝင်ရောက်လာကာ ဟင်္သာတ ကုန်စည်ဒိုင်တွင် နေ့စဉ် မတ်ပဲအိတ် ၄၀၀၀ မှ ၅၀၀၀ ကြား အရောင်းအဝယ်ဖြစ်လျက်ရှိပြီး ၂၇.၁.၂၀၂၆ နေ့တွင် မတ်ပဲ တစ်တင်းဈေးနှုန်းမှာ ၉၂၀၀၀ ကျပ် ဈေးပေါက်လျက်ရှိပါသည်။ မတ်ပဲ တစ်ဧကအထွက်နှုန်းမှာ ပျမ်းမျှ (၁၅)တင်းခန့်ထွက်ရှိပြီး တစ်ဧက ကုန်ကျစရိတ်မှာ ၇ သိန်းကျပ် ဝန်းကျင်ရှိသည့်အတွက် မတ်ပဲစိုက်တောင်သူတို့အနေဖြင့် တစ်ဧကလျှင် ၇ သိန်းကျပ်ဝန်းကျင်ခန့် အကျိုးအမြတ် ရရှိလျက်ရှိကြောင်း သိရှိရပါသည်။
DOCA(ဧရာဝတီ)