မြင်းခြံမြို့နယ်အတွင်းရှိ အေးမြသီတာဈေး၌ စားသောက်ကုန်အမျိုးမျိုး၊ လူအသုံးအဆောင်ပစ္စည်းအမျိုးမျိုး၊ သစ်သီးဝလံဟင်းသီးဟင်းရွက်နှင့် အသားငါးမျိုးစုံရောင်းချလျက်ရှိကြောင်း၊ ၂၀၂၆ ခုနှစ်၊ ဖေဖော်ဝါရီလတွင် ရောင်းချလျက်ရှိသော အခြေခံစားကုန် လက်လီလက်ကား ဈေးနှုန်းများအနေဖြင့် ပေါ်ဆန်းမွှေးဆန် တစ်ပြည်လျှင် (၇၅၀၀ - ၇၆၀၀) ကျပ်၊ ဆီ(စားအုန်းဆီ) ၁ ပိဿာလျှင်(၇၁၃၈ -၇၃၇၅) ကျပ်၊ ပဲဆီသန့် တစ်ပိဿာလျှင် (၁၅၀၀၀- ၁၅၅၀၀) ကျပ်၊ ကြက်သွန်နီ ၁ ပိဿာလျှင် (၁၅၀၀ - ၁၇၀၀) ကျပ်၊ ကြက်သွန်ဖြူ ၁ ပိဿာလျှင် (၅၅၀၀ - ၆၀၀၀) ကျပ်၊ ဆိတ်သား ၁ ပိဿာလျှင် (၂၃၀၀၀-၂၅၀၀၀) ကျပ်၊ ဝက်သား(သုံးထပ်သား) ၁ ပိဿာလျှင် (၂၈၀၀၀-၃၀၀၀၀) ကျပ်၊ အမဲသား ၁ ပိဿာလျှင် (၂၂၀၀၀-၂၅၀၀၀)ကျပ်၊ ငါးမြစ်ချင်းအကောင်လိုက် ၁ ပိဿာလျှင် (၁၂၀၀၀ - ၁၄၀၀၀) ကျပ်၊ ကြက်သား(မွေးမြူရေးကြက်) အကောင်လိုက် ၁ ပိဿာ လျှင်(၂၁၀၀၀ - ၂၂၀၀၀) ကျပ်၊ ကြက်ဥတစ်လုံးလျှင် (၄၅၀-၄၈၀) ကျပ်၊ ဘဲဥတစ်လုံးလျှင် (၆၀၀-၇၀၀) ကျပ်ပေါက်ဈေး များဖြင့် ရောင်းချလျက်ရှိကြောင်း၊ ယခင်လထက် ယခုလတွင် ကြက်သွန်ဖြူ၊ ငါးဈေးနှုန်းနှင့် ဆန်ဈေးနှုန်းများမှာ ဈေးတည်ငြိမ်လျက်ရှိပြီး၊ ပဲဆီသန့်၊ ကြက်သွန်နီ၊ အမဲသားနှင့် ကြက်သားဈေးများမှာ ဈေးနှုန်းမြင့်တက်ခဲ့၍ စားအုန်းဆီ ဈေးနှုန်းများကျဆင်းခဲ့ကြောင်း သိရှိရသည်။
DOCA(မန္တလေး)