တောင်သာမြို့နယ်သည် ဆည်ရေသောက်အသင့်တင့်ရှိပြီး မိုးကောင်းသောက်ယာများတွင် နွေစပါးများကို နိုဝင်ဘာလ၊ဒီဇင်ဘာလ၊ ဇန်နဝါရီလနှင့် ဖေဖော်ဝါရီလများတွင် စိုက်ပျိုးပြီး ဇန်နဝါရီလ၊ ဖေဖော်ဝါရီလ၊မတ်လနှင့် ဧပြီတို့တွင် ရိတ်သိမ်းထွက်ပေါ်ကြောင်းသိရှိရသည်။ဒေသတွင်း ဝမ်းစာဖူလုံ စေရန် စိုက်ပျိုးထားကြောင်း သိရှိရသည်။ ၂၀၂၅-၂၀၂၆ ခုနှစ်တွင် တောင်သာမြို့နယ်၌ နွေစပါးစီမံကိန်း (၇၀၀)လျာထားဧကအနက် စိုက်ပျိုးပြီးဧက (၃၈)စိုက်ပျိုးထားကြောင်း၊ စိုက်ပျိုးရန်ကျန်ရှိသော ဧကများ ဆက်လက် စိုက်ပျိုးနေ ကြောင်း မြို့နယ်ကြေးတိုင်နှင့် မြေစာရင်းဦးစီးဌာန၏ စာရင်း များအရသိရှိရသည်။ စီမံကိန်းလျာထားချက်နှင့်အညီ ရာနှုန်းပြည့်မီအောင် ဆက်လက်စိုက်ပျိုးနေကြောင်း သိရှိရသည်။ အောင်နိုင်တိုးမျိုးနှင့် မနောသုခစပါးမျိုးများကိုသာ စိုက်ပျိုးကြောင်း၊ နွေစပါးများကို ကန်သာယာရွာ၊ သံဘိုရွာ၊ အင်းတဲရွာ၊ သပွတ်ပင်ရွာ၊ ရဘဲရွာနှင့် ကြာပို့ ကျေးရွာများတွင် ဒေသ တွင်းစားသုံးရန်သာ စိုက်ပျိုးထားကြောင်း၊ ယခင်နှစ်နွေစပါး အထွက်နှုန်း အနေဖြင့် (၈၉) တင်းခန့် ထွက်ရှိခဲ့ကြောင်း၊ ယခင်နှစ် မနောသုခစပါးထွက်ပေါ်ချိန်၌ တစ်တင်း ခွဲတစ်အိတ်လျှင် (၂၈၀၀၀) ကျပ် ခန့်ပေါက်ဈေးများဖြင့် ဒေသအတွင်း၌သာ အရောင်းအဝယ်ဖြစ်ခဲ့ကြောင်း၊ ဒေသတွင်း၌သာကြိတ်ခွဲ၍ စားသုံးကြကြောင်း၊ ယခင်နှစ်ထွက်ပေါ်သော မနောသုခဆန် တစ်အိတ်လျှင်(၆၅၀၀၀)ကျပ် ခန့်ရှိကြောင်း၊ စိုက်နည်းစနစ်၊ သွင်းအားစုနှင့် ရာသီဥတုကောင်းမွန်ပါက ယခင်နှစ်ထက် အထွက် နှုန်းကောင်းနိုင်ကြောင်း နွေစပါးစိုက်တောင်သူ တစ်ဦး၏ ပြောပြချက် အရသိရှိရသည်။
DOCA(မန္တလေး)